Page 88 - alice-kbd_text.qxp_9781904808169_text

АЛИСЭ ТЕЛЪЫДЖЭЩӀЫМ ЗЭРЫЩЫӀАР

зыхимыщӏэу, зыри имылъагъу хуэдэу щыст. Сабий цӏынэр зэры -
кӏиям худэу кӏийти, техуарэ темыхуарэ къыбгурыӏуэ нутэкъым.
Алисэ ӏей дыдэу къэщтэри, дэпкӏэурэ гуоуащ:
«Кхъыӏэ, кхъыӏэ увыӏэ! Ау, и пэ цӏыкӏум утохуэ!» табэр сабийм
и пэм, иджыпсту щихъуэнкъэ жыпӏэу, блэлъэтащ.
«Зыгурым и белыгъэр хамэ ӏуэхум химыӏуатэмэ,» жиӏащ гъумэ -
тӏымэурэ Уэркъ-Гуащэм, «щӏыгур нэхъ псынщӏэу джэрэзынут!»
«Атӏэ, абы сыт фӏыуэ хэлъыр?» жиӏащ Алисэ зэрыӏущ цӏыкӏур
къигъэлъэгъуэн и мураду. «Жэщ-махуэ имыӏэжу щӏыгур псын -
щӏэу джэрэзмэ псори щхьэуназэ дыхъунущ.»
«Уи щхьэр пагъэджэрэзыкӏмэ, зэи унэзэжынукъым!» жиӏащ
Уэркъ-Гуащэм.
Алисэ и псалъэхэр зэпиудри щтэӏэщтаблэу еплъащ Фыз Пщэ -
фӏакӏуэм, ауэ абы и щхьэ ӏуэху зэрихуэу ежьэжауэ щилъагъум,
къыпидзащ (тӏэкӏуи фӏызэхэзэрыхьыжауэ): «Сэ нэгъуэщӏт жы -
сӏэну сызыхуеяр: Щӏыгум сыхьэт тӏощӏрэ плӏырэкӏэ зэ зегъэ -
джэрэз… Хьэмэ, зы сыхьэтым тӏощӏрэ плӏырэкӏэ зигъэджэрэзрэ?»
«Уэ си дуней нэху, си щхьэр умыгъэузыт,» жиӏащ Уэркъ-
Гуащэм, «бжыгъэ жыхуаӏэм сэ сыхэзагъэкъым!» Ар жиӏэри,
Уэркъ-Гуащэм, аргуэру сабийр щӏиупскӏэу хуежьэжащ (гущэкъу
уэрэд жиӏэу, сатырыр иухыху къэскӏэ къэрууэ иӏэмкӏэ сабийр
игъэсысурэ):

«Уи къуэжь цӏыкӏур уэ къэубыди
Уи бгъэм кӏэрыубыдэ,
Ар ухуеймэ хъуну быдэ,
Убэрэжь фӏыдыдэу!

Мыкъэжь хъуну ухуэмеймэ
Токъмакъыжькӏэ еуэ,
Тӏанэ хъунущ къыдэкӏуеймэ
Фӏыхэм я нэхъ фӏыуэ!»

62