Page 89 - alice-kbd_text.qxp_9781904808169_text
P. 89
К ХЪ УЭ Ш Ы РР Э Ш Ы БЖ И ЙР Э
ЕЖЬУ
(Фыз Пщэфӏакӏуэмрэ сабий цӏынэмрэ жаӏэ):
«Уа-а! Уа-а! Уа-а!»
Хуэӏулэ гущэкъу уэрэдым и етӏуанэ сатыриплӏыр Уэркъ-Гуащэм
здигъэзащӏэм апхудизу губжьауэ дридзеяти сабийр, абы и кӏий
макъым Алисэ уэрэдым и ныкъуэращ зэхыригъэхар:
«Си сабийр сэ согъэжей, жей
Жей, жей, жей!
Ауэ ар уэ пхуэмыжеймэ
Баш тепкъутэми мылей!»
ЕЖЬУ
«Уа-а! Уа-а! Уа-а!»
«Къэубыд!» жери Уэркъ-Гуащэм Алисэ сабий цӏынэр къы -
хуидзащ. «Уи фӏэбэ щыхукӏэ щӏэбупскӏэнкӏэ ухуитщ, ухуеймэ. Сэ
пщхьэщхьэм Уэлий-Гуащэм иригъэкӏуэкӏыну уадэлакъэ джэгум
щыгъын зэблэсхъуу зыхуэзгъэхьэзырын хуейщ.» Ар жиӏэри
Уэркъ-Гуащэр пщафӏапӏэм щӏэжащ. Фыз Пщэфӏакӏуэм абы
табэшхуэ кӏэлъийутӏыпща щхьэкӏэ тецӏэфтащ.
Алисэ и къэрур хилъхьауэ, ерагъуу иӏыгът сабий цӏынэр. Нэнум
и ӏи и лъакъуи лъэныкъуэ псомкӏи къипӏиикӏт щащыху къешэ -
кӏам. «Сыту мыр хывагъуэм ещхь,» егупсысащ пщащэр. Сабий
тхьэмыщкӏэр гъущӏыгум хуэдэу папщэт, зызэкӏуэцӏилъхьэ-зызэ -
кӏуэцӏихыжыурэ Алисэ зыӏэпиудыну пылът. Зыкъуомрэ пщащэм
сабийр тыншу иубыдыфакъым. Икӏэм икӏэжым, Алисэ къыгу -
рыӏуащ къыӏэщӏадза сабийм ирищӏэн хуейр: и ӏэ лъэныкъуэмкӏэ
и тхьэкӏумэ ижьыр, адрей ӏэмкӏэ и лъакъуэ сэмэгур къиубыдри,
сабийр зыӏэщӏимыгъэкӏыурэ зэкӏуэцӏиӏуан тӏэри, унэм къыщӏихащ.
«Мы сабийр здэсщтэн къысхудэхуэнущ,» жиӏащ Алисэ,
«мыхъумэ нобэ-пщэдэй ар зыӏэщӏалъхьэнущ. Къэбгъэнэну ӏэмал
иӏэкъым!» Иужьырей псалъэухар сабий цӏынэм щызэхихым,
63
