Page 93 - alice-kbd_text.qxp_9781904808169_text

К ХЪ УЭ Ш Ы РР Э Ш Ы БЖ И ЙР Э

Джэдум жиӏахэр Алисэ и фӏэщыпэ хъуакъым, ауэ дауэм хэмы -
хьэу, еупщӏащ: «Атӏэ, уэ уи щхьэр мытэрэзу дэнэ щыпщӏэрэ?»
«Псалъэм папщӏэ, Хьэ къэтщтэн. Уарэзы?»
«Къащтэ!» жиӏащ Алисэ.
«Адэкӏэ,» къыжиӏащ Джэдум. «Хьэр щыгубжькӏэ—мэгурым,
щыгуфӏэкӏэ—и кӏэр щӏеупскӏэ. Пэжкъэ? Мис апхуэдэ хьэр—хьэ
тэрэзщ. Сэ щэ? Согурым си гуапэ щыхъукӏэ, си кӏэр соӏуантӏэ
сыщыгубжькӏэ. Къикӏыр абы сыт? Сэ сытэрэзкъым.»
«Атӏэ, уэ угурымрэ? Уэ уогъурнау!» жиӏащ Алисэ.
«Узэрыхуейщ,» щӏэдыхьэшхыкӏащ Джэдур. «Уэ нобэ Уэлий-
Гуащэм и деж укӏуэну уадэлакъэ джэгум?»
«Ай, ӏей дыдэу сыхуейуэ, сыхуейщ,» жиӏащ Алисэ, «ауэ зыми
сригъэблэгъакъым.»
«Апщыгъуэ, фӏыкӏэ, пщыхьэщхьэ дызэхуэзэнщ,» жиӏэри, Джэ -
дур бзэхащ.
Алисэ ар игъэщӏэгъуакъым, телъыджэ къэхъухэм есати, ауэ и
нэр къыхутемыхыу Джэдур зытеса къудамэм еплът. Куэди
темыкӏыу Джэдур аргуэру къыхэнэӏукӏащ хьэуам.
«Къысхуэгъэгъу, тӏасэ,» жиӏащ абы, «пӏыгъа сабийм сыт
къыщыщӏар?»
«Кхъуэшыр хъуащ,» пэжыр жиӏащ Алисэ.
«Сэри апхуэдэу сегупсысат,» жиӏэри, Джэдур аргуэру бзэхы -
жащ.
Алисэ зы тӏэкӏурэ ежьащ, гугъэ хуиӏэу Джэдур къыкъуэ -
кӏыжыну, ауэ зыри къыщымыхъум, Гъатхэпэ Тхьэкӏумэкӏыхьыр
здэпсэумкӏэ щӏиӏуэнтӏащ. «Сэ пыӏэщӏ жыхуаӏэр слъэгъуагъыхэщ,»
егупсыст ар здэкӏуэм. «Тхьэкӏумэкӏыхьыр ӏэджэкӏи нэхъ гъэщӏэ -
гъуэнщ! Гъатхэпэри икӏащ, иджыпсту гъатхэкущ—и щхьэр
зэтетӏысхьэжами зыми ищӏэкъым…» Алисэ дэплъеямэ, Джэдур
аргуэру къуэдамэм тес:
«Даурэ зэрыжыпӏар: „кхъуэшыр“ хьэмэ „къуэщын“?» жиӏэри
Джэдум.

67