Page 56 - Thukul Ing Lemah Nela

Thukul ing Lemah Nela

genthong. Omahe dadi kebak tangga-tangga sing melu
gupuh ngupakara dheweke.
"Pak Rat gek neng endi ya," cluluke Pak Dar.
"Sapa sing nduwe nomer bele Pak Rat, ya?"
kandhane Pak Sugeng.
"Jajal tekoka Pak Isran!"
"Tekok Rini wae mbok menawa nduwe."
"Lha HP-ne Bu Lilik endi, neng kono rak mesthi
ana nomere Pak Rat."
Swarane wong-wong golek eguh supaya ndang
bisa ngubungi Pak Ratimin.
Tujune Lilik ndang sadhar. Lik Karmi banjur
nangekake Lilik, dijejeri karo dirangkul lan ngombeni
banyu putih sing bar disuwuk karo Mbah Yahmi.
Sawise ngombe banyu saclegukan, Lilik kandha
marang Lik Karmi menawa pas njereng kumbahan
neng mburi, ana sing ngebel yen Reza lara nganti
digawa nyang rumah sakit. Ditekoni larane apa, sing
ngebel sapa Lilik ora mangsuli. Awit durung rampung
omong-omongan saking kagete HP-ne mrucut saka
tangane.
"Sabar, Bu. Sabar."
"Sareh ... sareh."
Kandhane wong-wong pating cemuwit.
"Cobi Bu Lilik, nomer ingkang ngebel wau kula
bele mawon," kandhane Nanang tangga mburi omah.
"Cobi Pak Rat kula bele," kandhane Pak Dar.
Bubar ngebel lagi genah larah-larahe larane Reza.
Reza melu team bocah kost musuh team saka RT sing
dienggoni kost. Kesebelasane juara nanging ijole ugel-
ugele sikil abuh. Krungu anake mung kesleo tangise
Lilik wis ora keprungu maneh.

Supriyoko | 48