Page 59 - Thukul Ing Lemah Nela

Thukul ing Lemah Nela

“Pacarmu ya, Mas?” kandhane Marga karo ngadeg
nyawang gambar saka krayon sing tememplek ing
tembok kamar.
Reza ora mangsuli, mung kandha yen gambar
kuwi wis ana nalika dheweke pindah kamar rene.
Sawetara wektu ibuk lan anak padha ngesok
kangen. Crita kedadean nalika bapake kost lan uga
kancane ngeterake neng rumah sakit, crita kuliah, crita
kanca-kanca sing kost padha apik-apik, rukun, padha-
padha mbantu endi sing repot. Lan kanca kenthele
Reza ing kono jenenge Rohmat jurusan olah raga
omahe Ponorogo.
Ibuke Reza metu saka kamar, methuki ibuke kost
saperlu arep metu sedhela mubeng-mubeng mumpung
neng Surabaya. Sisan gawe Reza pas prei kuliah.
bapake diajak mubeng-mubeng neng njero kampus.
Karepe Reza iku kanggo motivasi adhine. .
Metu saka kampus bablas menyang Kebun
Binatang. Reza lan Marga tansah nyandhing, eling-
eling suwe ora ketemu. Weruh lakune Reza, bapake lan
ibuke rumangsa mesakake. Wusana leren dhisik neng
sandhing wit cedhak blumbang sing isine baya.
Reza crita rena-rena marang Marga lan bapak
ibuke. Ing kampus, ing kostan, lan uga bu koste sing
marang dheweke kaya dianggep anake dhewe.
Kamangka bocah-bocah kost liyane ora. Malahan yen
ngepasi longgar dheweke dikongkon boncengan karo
Eni yen ngepasi jam kuliah bareng.
"Kowe arep dipek mantu Le, karo bu kostmu,"
Reza mung mesem.
HP-ne Reza muni, disauri sing ngebel Eni. Jare
ibuke arep ngendikan karo bapake. Bapake Reza
nampa telpon saka ibu koste anake. Rada suwi anggone

51 | Ngendhangi Anak