Page 55 - Thukul Ing Lemah Nela

Thukul ing Lemah Nela

NGENDHANGI ANAK

AQa

W
W
atara jam setengah wolu Lilik njempling-
njempling nangis, ndadekake gegere
tangga. Sirahe abot, nyawang kursi-kursi
ruang tamu katon munyer seser. Lampu
gantung padha obah kemrompyong kaya keterak angin.
Tembok-temboke omah uga krasa padha munyer, lan
adhepe kamar malih ngetan ngulon ora karuwan.
Mumet, nggliyeng. Kathik sing lanang ngepasi ora
neng omah, ngeterake Marga menyang Magetan. Lilik
bengok-bengok nyebut jenenge anake.
"Anakku .... Reza .... Reza!"
Lik Karmi tangga wetan omahe teka karo gita-gita.
"Enten napa bu guru, enten napa," Lik Karmi
tekok larah-larahe nanging ora diwangsuli.
Tangise Lilik saya ndadi, gero-gero, kaya bocah
cilik sing ora dituruti karepe. Awake biru kecu lan
banjur mak pet, Lilik semaput ing kursi. Tanggane sing
mara saya akeh, ana sing mblonyohi balsem ana sing
mijeti, lan uga ana sing ngraupi nganggo banyu
47 | Ngendhangi Anak