Page 14 - Ringkesan X-A

WULANGAN 2

CRITA WAYANG

Kompetensi Dasar Indikator Pencapaian Kompetensi
3.2 Mengidentifikasi, memahami, dan 3.2.1 Menganalisis unsur intrinsik cerita wayang/
menganalisis unsur intrinsik maupun topѐng ḍhâlâng.
ekstrinsik teks sastra klasik dan modern 3.2.2 Menganalisis unsur ekstrinsik cerita wayang/
secara lisan dan tulis. topѐng ḍhâlâng.
3.2.3 Menganalisis relevansi isi cerita wayang/
topѐng ḍhâlâng dengan zaman sekarang.

4.2 Menginterpretasi, menanggapi dan 4.2.1 Menceritakanisi cerita wayang/ topѐng
mengekspresikan teks sastra modern dan ḍhâlâng.
klasik (wayang / topѐng ḍhâlâng) sesuai isi 4.2.2 Menanggapi isi cerita wayang/ topѐng
secara lisan dan tulis. ḍhâlâng.
4.2.3 Membaca indah teks dialog cerita wayang/
topѐng ḍhâlâng.

A. Pangertene Wayang
Wayang iku sawijining tontonan kang wis sumrambah ana ing Nuswantara
(Indonesia). Rikala taun 2004 wayang ditetepake minangka warisan dunia
dening UNESCO, kanthi mangkono wayang bisa dipirsani dening manungsa
sajagad lan dipatenake minangka kesenian darbeke Indonesia. Sajroning
pagelaran wayang sedalu natas iku ngandhut tontonan, tuntunan, lan tatanan
kang mujudake wewayangan uriping manungsa ing alam donya. Ing jagading
pewayangan tinemu sakehing kagunan kang endah lan edi. Endah, amarga
manawa kadulu (dilihat) bisa agawe reseping ati. Edi, amarga bisa kanggo
sarana ngalusake budi pekerti.

B. Jinis-jinise Wayang
- Wayang Purwa: nyritakake lakon-lakon wayang saka kitab Ramayana lan
Mahabharata.
- Wayang Madya: nyritakake lakon wayang saka Parikesit nganti Jayabaya.
- Wayang Gedhog: nyritakake lakon wayang saka crita Panji.
- Wayang Klithik (Wayang krucil): nyritakake lakon jaman kraton Pajajaran
nganti Majapait, Prabu Brawijaya pungkasan, kang kondhang lakon
Damarwulan-Menakjingga.
- Wayang Menak: nyritakake lakon crita saka tanah Arab, kayadene: Menak
Sarehas, Menak Dhemis, Menak Ambyah, lsp.
- Wayang Suluh: nyritakake werna-werna lakon kanggo menehi sesuluh
agama (biasane kaum Nasrani).
- Wayang Kancil: nyritakake crita kewan, yaiku dongeng kancil.
- Wayang Golek: nyritakake lakon wayang kang ana ing kitab Mahabharata,
adate ana ing tataran Sundha Jawa Kulon.
- Wayang Wong: nyritakake lakon wayang kang kajupuk saka kitab
Ramayana lan Mahabharata, kang diparagakake dening wong.
- Wayang Beber: crita wayang kang kajupuk saka crita Panji kang awujud
gambar-gambar ing kain mori kang kabeber banjur dicritakake.
- Wayang Potehi: wayang kang wujude golekan (boneka) kang dicritakake
ngenani Dewa-dewa mitologi bangsa Cina.

14