Page 11 - Ringkesan X-A
P. 11
WULANGAN 1
ARTIKEL
Kompetensi Dasar Indikator Pencapaian Kompetensi
3.1 Mengidentifikasi, memahami, dan 3.1.1 Menjelaskan struktur artikel.
menganalisis teks nonsastra (berita, artikel, 3.1.2 Menjelaskan jenis artikel.
laporan, dan lainnya) secara lisan dan tulis. 3.1.3 Menganalisis isi artikel.
4.1 Menginterpretasi, menanggapi dan 4.1.1 Membaca ekspresif teks artikel.
mengekspresikan isi teks nonsastra secara 4.1.2 Meringkas artikel.
lisan dan tulis. 4.1.3 Menanggapi isi artikel.
4.1.4 Menulis artikel sederhana.
A. Pangertene Artikel
Artikel, yaiku karya tulis/ tulisan utawa sawijining (suatu) karangan kang
jangkep, kadidene (seperti halnya) lapuran pawarta (berita) utawa esai ing majalah,
layang kabar, internet, lan sapanunggalane kang nduweni ancas (tujuan) tartamtu
(tertentu) kadidene (seperti halnya) menehi informasi, menehi panglipur
(menghibur), nggulawenthah (mendidik), lan ngyakinake pamaos (pembaca).
B. Jinis-jinise Artikel
Jinise artikel adhedhasar sipate, bisa kaperang dadi 2, yaiku artikel ilmiah lan
populer. Tembung ilmiah nduweni teges yaiku miturut ilmu pengetahuan;
adhedhasar sarat (kaidah) ilmu pengetahuan. Dene populer nduweni teges, yaiku
dikenal lan disenengi wong akeh (umum); miturut kebutuhan masarakat umum;
gampang dimangerteni lan disenengi wong akeh.
Artikel ilmiah iku asipat empirik, yaiku adhedhasar asil panliten kang
ditindakake. Artikel iki ora dimot ing sawernane media massa, amung ing media
khusus kaya dene ing jurnal kampus. Tuladhane, yaiku lapuran asil panliten, jurnal,
makalah. Artikel populer akeh dimot ing sawernane medhia massa, bisa ing medhia
cithak utawa medhia elektronik.
Saliyane iku, isih ana jinis-jinis artikel adhedhasar isine, ing antarane yaiku:
a. Artikel eksploratif, yaiku artikel kang isine njlentrehake (memaparkan)
sawernane kanyatan kang adhedhasar saka asil pasinaone panulis.
b. Artikel eksplanatif, yaiku artikel kang isine njlentrehake (memaparkan)
sawijining bab utawa sawijining wacanan supaya bisa gampang dimangerteni
dening pamaos (pembaca).
c. Artikel deskriptif, yaiku artikel kang isine njlentrehake (memaparkan)
sawijining kadadean/ masalah kang ana ing masarakat kang digambarake
kanthi tliti lan njlimet supaya bisa dimangerteni tenan dening pamaos kanthi
jangkep.
d. Artikel Prediktif, yaiku artikel kang isine njlentrehake (memaparkan)
samubarang bab/ masalah kang ngandhut petungan utawa predhiksi kang
bakal kelakon utawa ora.
e. Artikel Preskriptif, yaiku artikel kang isine njlentrehake (memaparkan)
sawijining bab supaya bisa menehi panuntun (petunjuk) marang pamaos
saperlu kanggo ditindakake supaya ora dadi kleru.
11
