Page 21 - bahasa Jawa kelas 8 sem 2_Neat

Kegiatan 2 : Mangun Teks Tembang Macapat Kanthi Klompok

Tugas 1 : Nyemak Struktur Teks Tembang Dhandhanggula
Tembang Dhandhanggula iku kaya sing wis dijlentrehake ana ing ngarep
menawa ing paugerane kadadeyan saka 10 (sepuluh) gatra, dene guru lagu lan
guru wilangane kaya mangkene :
Gatra sepisan guru wilangan lan guru lagune : 10 i
Gatra kaping 2 guru wilangan lan guru lagune : 10 a
Gatra kaping 3 guru wilangan lan guru lagune : 8 e
Gatra kaping 4 guru wilangan lan guru lagune : 7 u
Gatra kaping 5 guru wilangan lan guru lagune : 9 i
Gatra kaping 6 guru wilangan lan guru lagune : 7 a
Gatra kaping 7 guru wilangan lan guru lagune : 6 u
Gatra kaping 8 guru wilangan lan guru lagune : 8a
Gatra kaping 9 guru wilangan lan guru lagune : 12 i
Gatra kaping 10 guru wilangan lan guru lagune : 7 a

Gladhen :
Tembang Dhandhanggula ing ngisor iki urutna miturut paugerane (guru
gatra, guru wilangan, lan guru lagu) kanthi cara ngetung guru wilangan lan
guru lagune!
1. makarya sabisanya
2. mula sira padha ngati-ati
3. sokur bage yen bisa
4. dimen ora ngisin-isini
5. nggennya ngecakake pasrawungan
6. aja nrajang winatese
7. nadyan sembur-sembur adas
8. mring angger-anggeripun
9. urun-urun rembug
10. amemayu hayune negara iki

Tugas 2: Nembang Dhandhanggula Bebarengan
Supaya bisa nembangake tembang macapat sing perlu digatekake kudu
bisa maca titi laras. Titi laras iku sing bisa kanggo cekelan, kanggo sinau
nembang. Ayo bebarengan mirengake tuladhane Bapak/ Ibu Guru maos titi
laras kang wus tinulis ing bukumu iki. Sawise Bapak/ Ibu Guru maos, bocah-
bocah nirokake. Yen wis lanyah titilarase banjur ganti cakepane.