Page 16 - bahasa Jawa kelas 8 sem 2_Neat

1. Kepriye paugerane: guru gatra, guru lagu, lan guru wilangane ing pada 1 ?
2. Kepriye paugerane: guru gatra, guru lagu, lan guru wilangane ing pada 2 ?
3. Apa bedane antarane tembang pada 1 lan pada 2 ?
4. Kagolong tembang apa pada 1 iku ?
5. Tembang kang pada ka 2 iku kagolong tembang apa ?

Tugas 2 : Nyemak Watak Tembang Dhandhanggula
Tembang macapat jinise ana 11. Saliyane nduweni paugeran kang pinathok
saben jinis tembang macapat uga nduweni watak dhewe-dhewe. Kanggo luwih
cethane ngenani watak tembang macapat bisa dideleng ing tabel ngisor iki:

No Tembang Watak
1 Mijil gandrung, prihatin
2 Sinom wantah
3 Maskumambang nelangsa, prihatin banget
4 Sinom sereng
5 Durma nepsu, sereng banget
6 Kinanthi asih asuh
7 Asmaradana prihatin, welas
8 Dhandhanggula luwes, manis
9 Gambuh rada sereng

10 Megatruh prihatin, getun

11 Pucung sakepenake

Mligi watak tembang Dhangdhanggula, watake luwes lan manis. Watak luwes
tegese watak kang kinandhut ing tembang Dhandhanggula kanggo medhar rasa
pangrasa, bisa isi pitutur, piwulang, tresna asih, asah, lan asuh. Watak manis tegese
pamedhare pitutur, piwulang, tresna asih kanthi tetembungan sing manis, endah,
lan kebak pasemon ing pangajab nuwuhake rasa pangrasa luwih nges.

Gladhen :
Jawaben pitakon ing ngisor iki kanthi gamblang :
(1) Manawa ana ing pagelaran tumuju ing swasana sedhih, umpamane salah
sawijining paraga ditinggal seda karo wong tuwane, tembang apa kang pas
kanggo swasana kaya ngono iku mau ? Apa alasanmu ?
(2) Manawa ana ing pagelaran salah sawijining paraga atine lagi seneng oleh
pangalembana saka wong sing ditresnani, tembang apa kang pas kanggo
swasana kaya ngono iku mau ? apa alasanmu ?