Page 18 - BAHASA JAWA KELAS 9 SEM 2

Drama Modern

Gambar ing ngisor iki setitekna!

gambar 4.1 gambar 4.2

Gambar 4.3 gambar 4.4

Gambar ing dhuwur kuwi tuladhane pagelaran drama modern. Yen
disetitekake gambar pagelaran drama kuwi beda, paragane lan critane.
Bedane katitik saka panggung/papan pentase, barang-barang sing ana
ing panggung/property, lampu/sunar ing panggung, klambi utawa
panganggo sing dienggo paraga. Sanajan mangkono gambar ing dhuwur
tetep mujudake pagelaran drama modern. Sing bakal disinaoni ngenani
drama Jawa modern, yaiku (1) ngidhentifikasi struktur teks drama,
nintingi ragam basa ing drama modern, paraga/tokoh, lan pesan moral
drama; (2) piye carane nulis teks lan skenario drama; (3) main drama lan
menehi tanggapan nalika kancane main drama. Ananging sadurunge
kuwi, wangsulana pitakon ing ngisor iki!
1. Apa tau ndeleng pementasan drama?
2. Yen tau ndeleng pementasan drama, apa lakone?
3. Ana ing adicara apa pementasan drama mau digelar?
4. Apa tau melu pementasan drama?
5. Yen tau melu, dadi apa ing pementasan mau?
6. Ana ngendi pementasan drama sing tau kokeloki?

16