Page 11 - Tantri Basa Jawa Kelas 6 (Bab 3)

kanggo masuh dodotira.
Dodotira, dodotira,
kumitir bedhah ing pinggir,

dondomana jlumatana,
kanggo seba mengko sore,
Mumpung padhang rembulane,
mumpung jembar kalangane,
yok suraka, surak hiya....

Bausastra:
sumilir : krasa seger katerak angin
tak sengguh : tak kira
masuh dodot : ngumbah dodot (jinising
ageman), kain
kumitir : muter seser
jlumatana : jaiten, tambalen
seba : ngadhep ratu/ pangageng,

Pangeran

Piye, apa kowe kabeh wis tau krungu tembang dolanan Lir-
ilir kuwi? Mesthine wis, ya. Jalaran tembang iki misuwur banget ana
ing sadhengah papan, sadhengah jaman. Wiramane apik, isine ya
pancen becik. Akeh-akehe malah wis padha apal karo cakepan
(lirik) tembang iki. Iya apa ora? Mbok manawa akeh uga sing
seneng nembangake. Ujaring kandha, tembang iki uga yasane
Kanjeng Sunan Kalijaga.

Kejaba enak dirungu lan ditembangake, isine pancen ya
becik banget. Panganggone basa pas, ora angel, ning ya ora
gampang-gampang banget. Sing narik kawigaten yen kita semak,
sajerone tembang iki jebul akeh panganggone unen-unen.
1) Coba golekana unen-unen mau!
2) Terangna tegese saben unen-unen kang koktemokake.
3) Rakiten unen-unen mau sajerone ukaramu dhewe.
Sawise rampung anggonmu nggarap gladhen iki, catheten
ana buku cathetanmu kanggo pangeling-eling. Bubar kuwi,

Tantri Basa kelas 6 kaca 44