Page 8 - Тахианаас хүнсний хордлого үүсгэгч CAMPYLOBACTER SPP.-ийг илрүүлсэн судалгааны дүн

[ШИНЖЛЭХ УХААНЫ МАГИСТРЫН ЗЭРЭГ ГОРИЛСОН БҮТЭЭЛ] Онол
хурдан хугацаанд тархдаг бөгөөд халдвар авсан тохиолдолд ходоод гэдэс хямрах,
шингэн алдах зэрэг шинж тэмдэг илэрдэг. Улмаар хүнд хэлбэр болох Guillain-Barré
(Ghee-YAN Bah-RAY) хам шинж (GBS) – ийг үүсгэдэг. Энэ нь хүний дархлааны систем
гэмтээж мэдрэлийн системийг алдагдуулж, булчин сулруулж, заримдаа саажилт
үүсгэдэг [10].
8 9
[ШИНЖЛЭХ УХААНЫ МАГИСТРЫН ЗЭРЭГ ГОРИЛСОН БҮТЭЭЛ] Онол
1.2 АНТИБИОТИКИЙН АНГИЛАЛ, ҮЙЛЧЛЭЛИЙН МЕХАНИЗМ
Микробын эсрэг сонгомол нөлөөтэй биологийн гаралтай бүлэг нэгдлийг антибиотик
гэнэ. Антибиотикийн эдгээрт чанарт үндэслэн аливаа бичил биетүүдээр үүсдэг
халдварт өвчнүүдийг эмчлэхэд ашиглахаас гадна малын тэжээлд нэмэгдэл болгон өгч
өсөлтийг нь идэвхжүүлж, тарга хүчийг нь нэмэгдүүлэхэд ч ашигладаг. Антибиотикийг
үйлчлэх механизмаас нь хамааран дараах бүлгүүдэд хуваана [8].
1. Эсийн ханын нийлэгжилтийг дарангуйлах
 Бетта лактамууд
 Ванкомицин
2. Цитоплазмын (эсийн) мембранд үйлчилдэг
 Фолимиксин
3. Нуклейн хүчлийн нийлэгжилтийг дарангуйлах
 ДНХ- ийн нийлэгжилтийг дарангуйлах
 РНХ – ийн нийлэгжилтийг дарангуйлах
4. Фолийн хүчлийн нийлэгжилтийг дарангуйлах
5. Уургийн нийлэгжилтэнд нөлөөлдөг
 Транскрипцийн шатанд нөлөөлдөг
 Трансляцийн шатанд нөлөөлдөг
6. Бусад ( Нитрофуринууд)
Судалгаанд практикт өргөн хэрэглэгддэг, грам эерэг болон сөрөг нянгуудад сайн
үйлчилдэг антибиотикуудын бүлгүүдээс дараах антибиотикуудыг сонгов.
Тетрациклин бүлгийн антибиотик
Тетрациклин нь микробын эсийн уургийн нийлэгжилтийг саатуулснаар микробын
өсөлт үржлийг зогсоож бактерийг үхүүлнэ. Стрептококк, стафилакокк зэрэг грам эерэг
бактериуд, гэдэсний савханцар, балнад, иж балнадын халдварын үүсгэгч, грам сөрөг
бактериудад, пенициллин, стрептомицин антибиотикууд нь идэвхтэй нөлөөлнө [1, 5].
Тетрациклин нь ходоод гэдэсний замд хүчил, ферментийн нөлөөнд үйлчлэл нь
сулардаггүй онцлогтой. Энэ бэлдмэлийг хэрэглэхэд ходоод гэдэсний ханаар сайн
шимэгдэж бие махбодид жигд тархдаг. Бөөрөөр дамжин шээсээр ялгарч гарахаас
гадна, тэжээл боловсруулах эрхтний замаар ялгадсын хамт гадагшилна. Уг
антибиотикийн сөрөг нөлөө нь ходоод гэдэсний эрхтнүүдийг хямраах, хэсэг газрын
цочрол үүсгэх, яс шүдэнд нөлөөлөх, элгэнд үйлчлэх, харшил үүсгэх зэрэг болно.
Тетрациклиныг мал амьтны жин нэмэгдүүлэх, тэжээлийн шингэцийг сайжруулах
зорилгоор тэжээлийн нэмэлт болгон хэрэглэдэг.