Page 193 - MODUL 12 MIPA

Ari runtuyan carita pantun téh biasana diwangun ku galur miang, ujian, jeung
mulang. Miang nya éta bagéan carita nu ngalalakonkeun yén palaku utamana téh kudu
ngalalana boh ka leuweung, ka dasar sagara, boh ka hiji nagara. Nalika si palaku keur
ngalalana, biasana sok aya halangan-harungan ti musuhna. Malah sok nepi ka gelut,
ngadu jajatén, jeung nepi ka perang. Éta bagéan carita téh disebutna ujian. Sanggeus si
palaku lulus tur bisa nungkulan halangan-harungan, biasana balik deui ka nagarana.
Geus kitu tuluy dikawinkeun ka putri anu geulis jeung dijenengkeun jadi raja. Galur
carita ieu disebutna mulang.

Juru pantun atawa nu mantun biasana tapisa pisan dina ngabédakeun bagéan anu
dicaritakeun, digunemkeun, jeung dihaleuangkeun. Dina bagéan nyaritakeun, biasana
mah sorana téh datar. Ari dina bagéan paguneman, juru pantun téh ngarobah sora jeung
lentongna. Juru pantun sok niru-niru sora budak, kolot, awéwé, lalaki, ngaluyukeun
jeung palaku dina carita. Kitu deui dina bagéan ngahaleuangkeun, juru pantun téh sorana
diusahakeun luyu jeung wanda laguna. Bagéan rumpaka anu kudu dihaleuangkeun dina
carita pantun disebutna téh papantunan.

A. Latihan Soal
1. Paluruh salah sahiji carita pantun, geus kitu ringkeskeun caritana sarta paluruh
hal-hal ieu di handap!
a) Sebutkeun judul carita pantunna!
b) Sebutkeun téma atawa jejerna éta carita pantun téh!
c) Sebutkeun palaku utamana sarta kumaha karakterna!
d) Hal naon baé anu bisa ditulad tina eusi éta carita pantun nu diringkes ku
hidep téh?
e) Paluruh 5 kecap anu dianggap ku hidep hésé dina éta carita pantun,
téangan naon hartina dina kamus basa Sunda, sarta larapkeun dina
kalimah anu merenah!

Tautan Materi Pendamping :

https://pangajaranbasasundarini.wordpress.com

Modul Basa Sunda 12 | 181