Page 17 - Урманова М. Илмий изланиш укув қулланма

R.R.Shredr nomidagi O‘zbekiston bog‘dorchilik va uzumchilik

ishlab chiqarish birlashmasi 1930 yilda tashkil etilgan. Bu davrgacha
institut o‘rnida Turkiston, keyinchalik O‘zbekiston qishloq xo‘jaligi

stansiyasi ilmiy tadqiqot ishlarini olib borgan.

Chorvachilik bo‘yicha birinchi ilmiy tadqiqot ishlarini 1921 yilda
O‘ODU ning chorvachilik kafedrasi olib borgan. 1926 yilda

Kattaqurg‘on qorako‘lchilik stansiyasi, 1928 yilda Buxoro qorako‘l

qo‘ylari naslchilik stansiyasi tashkil etilgan. 1933 yilda O‘zbekiston
chorvachilik tajriba stansiyasi tashkil etildi. 1932 yilda O‘rta osiyo

yilqichilik stansiyasi, keyinchalik Qoraqalpog‘iston chorvachilik tajriba

stansiyalari tashkil etildi. Bu uchta tashkilot asosida 1940 yilda
Chorvachilik ilmiy tekshirish instituti tashkil etilgan.

Toshkent ipakchilik statsiyasi 1925 yilda tashkil etilgan. Bu stansiya

1927 yilda Ipakchilik institutiga aylantirilgan.
O‘rta Osiyo o‘rmonchilik stansiyasi 1933 yilda tashkil etildi. Bu

stansiya 1940 yilda O‘zbekiston o‘rmon xo‘jaligi ilmiy tekshirish

institutiga aylantirildi.
Ilmiy tekshirish muassasalarining turlari

Ilmiy tadqiqot muassasalari tuzilishi bo‘yicha uch bo‘g‘indan iborat.
1. Bosh va soha institutlari (Tuproqshunoslik va agrokimyo).

2. Viloyat stansiyalari.

3. Tuman stansiyalari va laboratoriyalari.
Maxsus ilmiy tadqiqot muassaslaridan tashqari ilmiy tadqiqot ishlari

bilan qishloq xo‘jaligi oliy o‘quv yurtlarining tegishli kafedralari ham

shug‘ullanadi. Ilmiy tadqiqot ishlari ularning ilmiy laboratoriyalari,
tajriba dalalari va o‘quv- tajriba xo‘jaliklarida olib boriladi.

Nazorat savollari
1. Qishloq xo‘jalik ekinlari etishtirishning zamonaviy, energiya

tejovchi va mahsulot sifatini yaxshilashda qanday texnologiyalardan
foydalaniladi?

2. Agrokimyoda ilmiy tadqiqot ishlari faning vazifalariga nimalar

kiradi?
3. Fanning boshqa fanlar bilan uzviy bog‘liqligi nimada?

17