Page 171 - Nobel_10.02.25_Neat

ИЛМИЙ-ОММАБОП РИСОЛА , II ҚИСМ

ЛАРС ПЕТЕР ХАНСЕН БИЛАН СУҲБАТ

2013 йил 6 декабрда Швециянинг Стокголм шаҳрида ўтка-
зилган Нобель ҳафталиги давомида Ларс Петер Хансен билан
суҳбат.

Мухбир: Ёш талабалар учун мукофотланган ишингизни қан­
дай тасвирлаб бера оласиз?

Ларс Петер Хансен: Мен ўз ишимни ҳамма нарсани
қилмасдан туриб, ниманидир бажариш учун статистик усулларни
ишлаб чиқиш, деб тасвирлашни маъқул кўраман. Бунинг маъ-
носини бироз тушунтириб бермоқчиман. Мен, айниқса, умумий
макроиқтисодиёт ва молия бозорлари ўртасидаги алоқаларга қи-
зиқаман. Бу алоқаларни ўрганиш учун макроиқтисодиётнинг ба-
тафсил модели ва унинг ичида молиявий бозорларнинг ишлаш
тизимини тўлиқ тушунтирувчи модель зарур, деб ўйлайман. Аммо
бу жараённинг ҳаммасини бир вақтнинг ўзида бажариш ўрнига,
фақат қисмларини ўрганиш имконияти жуда фойдали. Мен ишлаб
чиққан усуллар молиявий бозорлар ва бутун иқтисодиётнинг тўлиқ
моделини яратмасдан туриб, ушбу қисмни тушунишга қаратилган.
Албатта, охир-оқибат барча қисмларни бирлаштириш керак,
лекин аввал бир қисмини ўрганиб, кейин орқага қайтиб, турли
йўналишларда кўпроқ тафсилотлар қўшиш имконияти жуда қулай.

Мухбир: Иқтисодиёт фанлари бўйича мукофотга сазовор бўл­
ганингиз ҳақидаги хабарни олганингизда нима қилаётган эдингиз?

Ларс Петер Хансен: Мен эрта турадиган одамман ва ўша
куни эрталаб иккита вазифам бор эди. Биринчиси, яқинда
кучукча сотиб олганимиз сабабли, эрталаб соат бешдан сал
ўтгач уни сайрга олиб чиқдим. Сўнг одатдагидек соат олтидан
кейин жисмоний машқ қилишим керак эди. Кучукчани сайрдан
қайтариб олиб келгач, машқ қилишга тайёрланаётгандим. Айнан
шу пайтда телефон қўнғироғи бўлди. Аввалига, бу Стокголмдан
келган қўнғироқ эканлиги айтилди, кейин эса бошқа бир киши
менга мукофот ҳақидаги хабарни етказди. Торстен Перссон
гаплашганда ва мени табриклаганда, бунга ишона бошладим ва
дедим: «Вой, бу ҳақиқатан ҳам содир бўляпти шекилли». Хотиним
нимадир бўлаётганини сезиб қолди, у ошхонада эди, шунинг учун

169