Page 89 - ХАМИДОВА ЗУЛФИЯ АХМАДЖОНОВНА - monografiya

- 2018 йил, иккинчи ярим йилликдан бошлаб,
ҳунармандчиликка оид статистик маълумотлар электрон тартибда

юритилиши назарда тутилсада, ҳунармандлар сонидан ташқари, бир-
бирига боғлиқ кўрсаткичлар таҳлилини 2019 йил 1-ярим йилликдан
кейин юритилиши кузатилган;
- ҳунармандчилик ҳолатини очиб берувчи кўрсаткичлар

таркиби мунтазам равишда расмиятчилик нуқтаи назаридан ўзгариб
келган бўлиб, бу соҳани йиллар давомида солиштирма таҳлил
қилишга тўсиқ бўлиб келмоқда;

- гарчи, Ўзбекистон Республикаси Президентининг 2019 йил
28 ноябрдаги «Ҳунармандчиликни янада ривожлантириш ва
ҳунармандларни қўллаб-қувватлаш бўйича қўшимча чора-тадбирлар
тўғрисида» ПҚ-4539-сонли қарорига кўра, Ўзбекистон Республикаси

Иқтисодиёт ва саноат вазирлиги Республикада ҳунармандчилик
соҳасининг ривожланишини баҳолаш учун тегишли индикаторларни
Давлат статистика қўмитаси, Савдо-саноат палатаси ва «Ҳунарманд»

уюшмаси билан биргаликда икки ой муддатда ишлаб чиқиб,
уларнинг 2020 йилдан бошлаб ҳар чоракда оммавий ахборот
воситаларида чоп этиб борилишини таъминланиши назарда тутилган

бўлсада, 2020 йилнинг биринчи ярим йиллигидан сўнггина
Республика «Ҳунарманд» уюшмаси расмий сайтида эълон қилиниши
йўлга қўйилди.

Кузатилган бир қатор камчиликларга қарамай, ҳунармандлар ва
«Ҳунарманд» уюшмаси фаолияти қайта ислоҳ қилингандан сўнг,
соҳа билан боғлиқ кўрсаткичлар мунтазам ўсиб борди. «Ҳунарманд»
уюшмасига аъзо ҳунармандлар фаолиятини таҳлил қилишда

уларнинг жинси, ёши ва ижтимоий ҳолати алоҳида аҳамият касб
этади. Уюшма томонидан қайд этилган статистик маълумотларнинг
йиллар бўйича чекланганлигини ҳисобга олиб, 2016 йилдан жорий

давргача ва кварталлар бўйича сарҳисоб қилишга ҳаракат қилдик.
Ҳунармандлар таркибига эътибор берсак, асосий улушини эркаклар
ташкил этаётганлигини кўришимиз мумкин ва уларнинг салмоғи
мунтазам равишда ортиб борган. (2.12-расм)

87