Page 587 - Innovatsion iqtisodiyot

INNOVATSION IQTISODIYOT
Akram XASHIMOV
Indeks (GII) reytingida 2015-yilga nisbatan 40 pog‘onaga ko‘tarildi.
Shu bilan birga, iqtisodiyotning real sektorida ilmiy va innovatsion
ishlanmalarni tijoratlashtirish darajasi, real sektorda ilm-fan, taʼlim
va sanoat o‘rtasidagi hamkorlik aloqalari nisbatan past bo‘lib qol-
moqda.

Shuni inobatga olgan holda, belgilangan yo‘nalish bo‘yicha davlat
siyosatini amalga oshirishni davom ettirish maqsadida 2022 –
2026-yillarga mo‘ljallangan O‘zbekiston Respublikasini innovatsion
rivojlantirish bo‘yicha yangi strategiya ishlab chiqildi va qabul qilindi,
unda rivojlanishning quyidagi ustuvor yo‘nalishlari belgilandi:
− Innovatsion infratuzilma subyektlari (innovatsion texnologik
park, texnologiyalar transferi markazi, innovatsion klaster, venchur
tashkiloti, innovatsiya markazi, start-up akselerator, inkubator)
tarmog‘ini shakllantirish orqali start-uplarni qo‘llab-quvvatlash

hamda yirik hajmli ishlab chiqarishni tashkil etish;
− Innovatsion faoliyatni davlat tomonidan qo‘llab-quvvatlashning
institutsional mexanizmlarini takomillashtirish orqali innovatsion
faol tashkilotlar ulushini oshirish;
− Kichik tadbirkorlikning innovatsion faolligini oshirish orqali
hududlarning ijtimoiy-iqtisodiy jadal o‘sishini taʼminlash;
− Yangi turdagi mahsulotlar va innovatsion texnologiyalar yaratish-

ning g‘oyadan yakuniy isteʼmolchigacha bo‘lgan kompleks tizimini
taʼminlash orqali innovatsiyalarga bo‘lgan talabni rag‘batlantirish;
− Kreativlik, tadbirkorlik va ratsionalizatorlik ko‘nikmalarini rivoj-
lantirish orqali inson kapitalini yanada rivojlantirish. Respublikada
ilmiy va innovatsion faoliyatni hamda ilmiy kadrlarni tayyorlashni
tashkil etishda Oliy taʼlim, fan va innovatsiyalar vazirligi va
Fanlar akademiyasi muhim o‘rin tutadi. Ular birgalikda istiqbolli
loyihalarni samarali moliyalashtirishni taʼminlash, iqtidorli
yoshlarni ilmiy-tadqiqot faoliyatiga jalb etish, doktorantlar, olim-

tadqiqotchilar va tadbirkorlarning ilmiy axborotlardan foydalanish
imkoniyatlarini yaxshilash, hamda ilm-fan va innovatsiyalar sohasini
raqamlashtirishni kuchaytirish bo‘yicha kompleks chora-tadbirlarni
amalga oshir moqda.

586