Page 15 - OCR Document

"RAVINKAZO MAINA

Takelaka efa maina mivolombolom-pasika

Notsofin'ny tadio , ka miparitadritaka

Ravin'alahelo sarotin-kasikasika

Malia fimora may , ka mampangitakitaka

Misoritsoritra eny : ririnim-pahagola

Ny dian-dranonkazo fahiny lohataona...

Ny mandom-pahavaratra mamenofeno angola ...

Ny vovo-pararano tandindondindon-tsaona ...

Ity tononkira ity dia taolambalon-dravina

Tsy aminy intsony ny andon'aina lovany

Tsy hanitra hofohina , tsy endrika hotiavina ,

Kanefa mitahiry ny lasa nolalovany ...

*