Page 4 - Merensky Vat 50 Reunie Album
P. 4
“VAT 50” KLAS VAN 1968
MERENSKY – MY SKOOL
Diep, in die sagte sooie van jou vrugbare grond, lê my spore
vasgeanker, uitgerank soos die wortels van die Wildevy.
Tyd word jaarringe waarvan die sirkels wyer kring en mekaar ritmies
opvolg in gebeure wat die seisoene van 50 jaar soos meetsnoere in
plek laat val- en op dié reis van my siel, wat voet vir voet oor die
klippers die eb en vloed van die lewe aangepak het, was jy‘n kompas
wat my koers gerig het.
Maar dis ‘n tweelingspoor op ‘n sirkelpad wat my terugbring tot hier,
waar die eggo van nostalgiese stemme en beelde gestalte gee aan‘n
sorgelose jeug.
En die weerklank bring die herkenning van waardes in gebed in my
diepste grein, waarmee ek terugkyk met dankbaarheid.
Die visie waarmee ek vorentoe kyk met hoop en die geloof waarmee
ek in vertroue opkyk in gebed vir jou - Merensky, vir die sukses en
voortbestaan van ons Alma Mater met die passie om steeds in mense
te belê.
O Heer, ons hou vas aan die wete dat U liefde vir ons, wyd en vêr en
hoog en diep is en dat U magtig is om oneindig meer te doen as wat
ons bid of dink.
Ons vertrou op U belofte wanneer U ons verseker:
“Ek weet wat ek vir julle beplan.” Voorspoed!
Petrus en Jakkie Fourie – 24 Jul 2018
