Page 51 - Слайд 1

Кыайыыны уһансыбыт тракторист

эбээбинэн киэн туттубын

(суруйда Григорьева Дайаана,
7 кылаас)

Хос эбээм Марфа Алексеевна Протодьяконова 1921 с. Доллу нэһилиэгэр төрөөбүтэ.
Ийэтэ Александра Ноговицина Ала5артан төрүттээх эбит. Ийэтэ олох кыратыгар ыалдьан өлбүт. Аҕата
Птицын Алексей Тихонович нэһилиэгэр ревком чилиэнинэн үлэлээбит. Революция саҕана бандьыыттар тутан
ылан Бахсыга тоҥ ампаарга хаайан сытан кырбааннар, улахан салҕа буолбут. Ол да буоллар артыаллары,

колхуостары тэрийиигэ кыттан төһүү үлэһит буолбут. Ол бириэмэҕэ эбээтигэр Алаҕарга үксүн иитиллибит.
Марфа Алексеевна, тулаайах аҥардаах эрэйдээхтик улаатан 4 кылааһы бүтэрбит уонна колхуоска үлэлиир.
Сэрии саҕана Никон Михайлович Харитонов сүбэтинэн куоратка 1939 сыллаахха трактористар курстарыгар
барар. 1941 сыллаахха үөрэнэн кэлэн Төҥүлү МТС-гар бастаан сменщигынан онтон трактористканан үлэлиир.
Кинини ЧТЗ-80 улахан тракторга, Кычкин Семен Иванович наставникка сыһыарбыттара.

Сэрии буола турар кэмигэр Төҥүлү МТС-гар директорынан Король С.К. диэн украинец үлэлээбит. Сүрдээх
эппиэтинэстээх, киэн-холку салайааччынан биллэр эбит. «Өстөөҕү үлтүрүтэһэ, сэриигэ барбыт убайдаргытын
солбуйар кыргыттар кытаатыҥ» диэн күүстэригэр- күүс эбэн, санааларын көтөҕөн этэрэ үһү.