Page 507 - RAQAMLI TRANSFORMATSIYA DAVRIDA PEDAGOGIK TA’LIMNI RIVOJLANTIRISH ISTIQBOLLARI

Professor D.Koehlerning fikricha, AI texnologiyalari talabalarni emosional intellekt,
muloqot, hamkorlik va tanqidiy fikrlash kabi yumshoq koʻnikmalarga koʻproq eʼtibor
qaratishga undaydi – chunki AI texnik vazifalarni yengillashtirib, odamda aynan shu
koʻnikmalarni rivojlantirish uchun “boʻsh joy” yaratadi [8]. Yaʼni, kelajak arxitektorlari
faqat dasturiy vositalarni ishlata olish bilangina cheklanmay, balki jamoada ishlash,
oʻzgaruvchan sharoitga moslashish, tanqidiy va tizimli fikrlash kabi sifatlarni ham
rivojlantirishi kerak boʻladi.

NATIJALAR
SI talabalarning ish samaradorligi va tezkorligini oshirishi orqali ularning
muvaffaqiyat koʻrsatkichlariga ijobiy taʼsir qiladi. Yuqorida zikr etilgan arxitekturaga
SI integratsiyasi boʻyicha tajribada aynan “innovatsion fikrlash qobiliyati” va “ish
samaradorligi” talabalarning oʻquv jarayoni natijalariga eng kuchli taʼsir koʻrsatgan
omillar ekani aniqlandi. AI yordamida murakkab hisob-kitoblar, tahlillar yoki
modellashtirish ishlarini avtomatlashtirish talabaga vaqtni tejash imkonini beradi.
Natijada, bir semestr davomida odatda bir yoki ikki variant ustida ishlaydigan talaba,
SI koʻmagida bir necha barobar koʻp yechimlarni sinab koʻrishga ulguradi.
Yana bir jihat SI bilan ishlash talabalarda tanqidiy fikrlash va masʼuliyat hissini
ham oshirishni talab etadi. AI koʻpincha “tayyor” javob yoki yechimni bera oladi,
ammo talabalar uning natijalarini tanqidiy koʻz bilan baholashni, har doim insoniy
tekshirish va tasdiqlash zarurligini oʻrganishlari lozim. Bu ularda masʼuliyatni
kuchaytiradi – AI taklifini soʻzsiz qabul qilish emas, balki uni mustaqil tahlil qilish, zarur
boʻlsa tuzatish kiritish odati hosil boʻladi. Shu tariqa, SI vositalari bilan muntazam
ishlovchi talaba vaqt oʻtishi bilan oʻz-oʻzini oʻqitish (self-learning) va hayot davomida
oʻqish kabi kompetensiyalarini ham mustahkamlaydi. Texnologiya tez yangilanar
ekan, doimiy ravishda yangi vositalarni oʻzlashtirish, moslashish uning odatiga
aylanadi.
Xulosa qilib aytganda, sunʼiy intellekt arxitektura yoʻnalishi talabalari uchun
kuchli instrument sifatida namoyon boʻlmoqda va ularning shaxsiy yutuqlariga
sezilarli ijobiy hissa qoʻshmoqda. SI talabalarning ijodkorlik salohiyatini kengaytiradi,
ishlash unumdorligini oshiradi va ularni kelajak kasbiy faoliyatlari uchun zarur
boʻlgan koʻnikmalar bilan qurollantiradi. Eng asosiysi, SI bilan boyitilgan taʼlim
talabani zamonaviy muammolarni hal qila oladigan, moslashuvchan va innovatsion
fikrlaydigan mutaxassis sifatida shakllantirishga xizmat qilmoqda.
Kelajak istiqbollari va taʼlimdagi innovatsiyalar
Arxitektura taʼlimida sunʼiy intellektni kengroq joriy etish kelgusida bir qator
muhim oʻzgarishlar va innovatsion yondashuvlarni talab qiladi. Taʼlim jarayonini
modernizatsiya qilish va uni XXI asr kasbiy talablariga moslashtirish bugungi kunning
dolzarb vazifasidir. Shu oʻrinda SI ni quyidagi jarayonlarda keng qollash tavsiya etiladi.
Yangi oʻquv rejalarini ishlab chiqish va kiritish. SI integratsiyasi shuni
koʻrsatmoqdaki, anʼanaviy oʻquv dasturlaridagi ayrim fan va mavzularni qayta koʻrib
chiqish, yangilarini esa qoʻshish lozim. Koʻplab xorijiy arxitektura fakultetlarida
endilikda “Sunʼiy intellekt va kompyuterlashtirilgan dizayn”, “Maʼlumotlarga
asoslangan arxitektura”, “Generativ dizayn asoslari” kabi yangi fanlar paydo
boʻlmoqda. Bu fanlar doirasida talabalar AI algoritmlari, zamonaviy oʻqitish usullari,
va ularning arxitekturaviy vazifalarga tadbiqi haqida bilim va koʻnikma oladilar.
Ayniqsa, dasturlash va algoritmik tafakkur boʻyicha bilimlar meʼmorlar uchun tobora 505
muhim boʻlib borayotgani bois Python, Grasshopper (Rhino uchun visual skriptlash)

II SHO‘BA:

Sun'iy intellekt va insoniy munosabatlar transformatsiyasi: shaxsdagi muvaffaqiyatlar va rivojlanish istiqbollari

https://www.asr-conference.com/