Page 54 - alice-kbd_text.qxp_9781904808169_text

АЛИСЭ ТЕЛЪЫДЖЭЩӀЫМ ЗЭРЫЩЫӀАР

«Ар сыту пӏэрэ зищӏысыр?» щӏэупщӏащ Алисэ. Пэжым фыхуей -
мэ, псоми заущэхути, Алисэ къыхудэхуащ а упщӏэр Джэд Иным
иритын.
«Ар вжесӏэ нэхърэ, фэзгъэлъагъумэ, нэхъыфӏщ,» жиӏащ Джэд
Иным. (Фыхуей мы джэгукӏэм зевгъэсэу, щӏымахуэ гуэрым зрив -
гъэхуэбэжыну? Апщыгъуэ Джэд Иным и джэгукӏэм фыщызгъэ -
гъуэзэнщ.)
Псом япэ Джэд Иным щӏыгум и деж къитхъыхьащ хъурей
иныфӏ. Ауэ къитхъыхьар хъурей дыдэтэкъыми, жиӏащ: «Хъурей-
мыхъурей иӏэкъым, зэрыхъурейр фи щхьэм илъмэ!» Джэд Иным
псэущхьэхэр хъурейм къригъэувэкӏри, щхьэж и щхьэ къызэ -
рихьэу щӏэпхъуащ. Щӏэпхъуа щхьэкӏэ… Къэжыхь-нэжыхьыр
щиухыныр зыми ищӏэтэкъым. Сытми зы сыхьэт ныкъуэфӏ текӏри,
гъущыжхэу я къэжыхьын щрикъум, Джэд Иныр къахэгуоуащ:
«Къэжыхь-нэжыхьыр иухащ!», жери. Хьэкӏэкхъуэкӏэхэр бэуэ -
бапшэу Джэд Иныр къауфэрэзыхьри ирагъэзылӏащ: «Хэт
тӏекӏуэр?», жари.
Ауэ Джэд Иным а упщӏэм жэуап иритын папщӏэ, дэгъуэу
гупсысэн къыхудэхуащ. Зыкъомрэ зэфӏэжыхьауэ щытыщ ар, и
ӏэхъуамбэр и натӏэм иригъэувэри, лӏышхуэ гупсысэкӏэ ищӏурэ.
Псори, жьы ямышэу, ежьэт абы жиӏэнум. Икӏэм икӏэжым, Джэд
Иным (зыгуэр жиӏэн хуейтэкъэ), хэщэтыкӏри яжриӏащ: «Тхьэ
соӏуэмэ, псори текӏуащ! Иджыпсту щхьэж къилъэща тыгъэри
къылъысынущ!»
«Хэт тыгъэхэр къыдэзытынур?» зэдежьууэ щӏэупщӏащ псэущ -
хьэхэр.
«Ар сыт упщӏэ, зи унагъуэ бэгъуэн, мес моращ,» жери Джэд
Иным Алисэ и дамэпэр тришиящ. Къэзэщӏэплъэжа псэущхьэхэм
Алисэ къаухъуреихьри, зыр зым зэпиудыжу, гуоун щӏадзаш:
«Тыгъэр, дэнэ щыӏэ тыгъэр? Къащтэ мыдэ тыгъэр!»
Алисэ цӏыкӏу ӏэнкун хъуат, апхуэдизу ищӏэнур ищӏэжтэкъыми,
мо и ӏэр и жыпым щрилъхьэм, къыӏэщӏыхьащ бэтырбакъ (и
насыпти, псы илъэдатэкъым абы). Абы мыщхьэфо зэрилъыр къи -
щӏэжри къэгуфӏэжащ пщащэр. Къэжыхь-нэжыхьым хэта псоми

28