Page 53 - alice-kbd_text.qxp_9781904808169_text

П ХЪ Э РЖ Э Р Ы ГЪ Э Х Ь ЭУ Л Е ЙР Э Ӏ УА Т Э КӀ Ы ХЬР Э

нэху Ныджэпсыхъуэ тӏысыпӏэ ищӏа щхьэкӏэ куржыхэм ар ямыдэу
къеныкъуэкъуу щӏадзащ. Азгъахэм я тхьэмадэшхуэ Мэлакъий
къыщигъуэтэщ куржыхэм я деж тегъэщӏапӏэ.“»
«Сыт, жыпӏа, къигъуэтар?» фӏэгъэщӏэгъуэну щӏэупщӏащ Къаз
Бий бабыщыр.
«Лъыхъуэм сыт къигъуэтыр?» къэгубжьащ Дзыгъуэр.
«Сэ сщӏэрэ?» жыуап итыжащ бабыщым. « Сэ сылъыхъуэмэ,
хьэмбылу е хьэндыркъуакъуэщ къэзгъуэтыр.»
Дзыгъуэм Къаз Бийм жиӏэхэр ауи къримыдзэу и хъыбарым
пидзэжащ: «„Арати куржыхэм ар ямыдэу дзэххэм къебгъэ ры -
кӏуэу щӏадзащ. Инал-нэху дзэр зэщӏикъуэри куржыхэр иригъэ -
кӏуэтащ. Зэман текӏри, куржыхэм япщ Дэдиан лъыщӏэж къыхуэ -
кӏуащ, ауэ Инал-нэху абы и дзэр зэтрикъутэри Дадианрэ и
уэркъхэмрэ гъэр ищӏащ. Сытми, тхьэмадэшхуэ Дадианрэ и уэр -
къхэмрэ гъэрым къришыжын и гугъэу Инал-нэху лъэӏуакӏуэ
Мэлакъий къыхуэкӏуащ…“ Даурэ ущыӏэ, си псэм хуэдэ?»
нэпӏэзыпӏэм зэпиудри и хъыбарыр, Дзыгъуэр Алисэ еупщӏащ.
«Угъущыжрэ?»
«Хьэуэ,» жиӏащ Алисэ, «нэхъри нэхъ цӏынэ сохъу. Уи хъыба -
рыр ауэми къысщхьэпэкъым!»
«Апхуэдэу щыхъукӏэ,» къызэфӏэувэри и пщэр хишыурэ жиӏащ
Джэд Иным, «зы псалъэ ныфхызолъхьэ: мы пэкӏур абы фӏэмы -
кӏыу зэбгрыгъэкӏын хуейуэ къызолъытэри икӏи ди къарум къи -
хьыр псынщӏэу етхьэлӏэу…»
«Ухьэхьей, ирикъуа къыффӏэщӏкъэ уи щхьэкъутэныр?» зэпиу -
дыщ абы и псалъэхэр Бгъэшыр Уэдым. «Жыпӏам и ныкъуэ щанэр
къызгурыӏуакъым, къызэрызщыхъумкӏэ, уэри къыбгуры ӏуэж -
къым жыпӏахэр.» Бзухэр щыдыхьэшхым, Бгъэшыр Уэдым и
щхьэ щӏыбыр къигъэзащ, езыри къэзэрищиудар яримыгъэ -
лъэгъун щхьэкӏэ.
«Сэ жысӏэну сызыхуеяр зы закъуэщ,» жиӏащ зигъэгусэурэ
Джэд Иным, «дэ дызэрыт щытыкӏэм дыкъизышыжынур зыщ:
Къэжыхь-нэжыхь хъурейращ. Мис абы дигъэгъущыжынущ.»

27