Page 10 - Eco-Schools_Newsletter_Summer-Two-Welsh

Dathlu Gwobrwyon Eco-Sgolion

Gwobrau Eco-Sgolion Presennol
Mae 306 o ysgolion wedi llwyddo i ennill gwobrau Efydd neu Arian Eco-

Sgolion ac ar eu ffordd i ddod yn ysgolion Baner Werdd ffyniannus.

Mae 812 o ysgolion gwladol anhygoel yng Nghymru wedi ennill Baneri
Gwyrdd, sy’n adlewyrchu ymrwymiad pobl ifanc Cymru a’u hathrawon i

ofalu am ei gilydd, ein cymunedau a’n hamgylchedd.

Ddim yn siŵr sut mae’r gwobrau’n gweithio? Dewch i ni eich hatgoffa:

Mae’r Wobr Efydd yn garreg filltir hunanasesu sy’n cynnwys sefydlu’r broses
Eco-Sgolion, gan sicrhau bod yr ysgol yn barod i fynd i’r afael â’i gwaith eco.

Nesaf, mae’r Wobr Arian, sy’n ehangu ar y sylfaen a gafodd ei sefydlu

yn ystod cyfnod y Wobr Efydd. Ar yr adeg hon, dylai’r gwaith sy’n cael ei
wneud ddangos cynnydd clir tuag at ennill y Faner Werdd.

Mae’r Faner Werdd yn cael ei rhoi i ysgolion yn dilyn asesiad gan Swyddog
Addysg, a fydd yn ymweld â’r ysgol i weld a yw’r meini prawf ar gyfer y

wobr wedi’u bodloni. Cliciwch yma i ddarganfod mwy.

Pan fydd ysgol wedi dangos ei hymrwymiad parhaus i ofal amgylcheddol ac
addysg trwy ennill y Faner Werdd am dair cylchred yn olynol, gallai symud

ymlaen i’r Wobr Platinwm uchel ei pharch.