Page 29 - THUKUL JADI_Neat

Thukul ing Lemah Nela

AKAL BULUS

AQa

K
K
anciludin arep ngancik plataran omah gedhe
kang aran loji iku karo mangu-mangu. Tekad
sing wis kadhung mobal kaya urube damen
garing kepletikan geni. Sidane tekan kene
pupus, gojag-gajeg atine. Ing kene ora katon mangar-
mangare praupane, beda ngepasi neng omah dhek mau
nalika kandha karo sing wedok arep methuki
penggedhe kutha. Dheweke rada mendha nesune nalika
sing wedok ngerih-erih.
“Ngono ya ngono, Kang,” kandhane sing wedok
karo ngecongne wedang kanggo dheweke.
Pancene bener apa sing dikandhakake sing wedok,
supaya eneng bedane endi sing waras lan endi sing ora
waras. Ajining aji iku asale saka sandhang, solah lan
tumindak. Mula banjur sandhale jepit sing langkunge
dipeniteni ngisore iku diumbah dikosok karo sikat sing
kari ing poke.
Neng omah mau ketoke ya wis ketok resik tenan,
nanging bareng tekan kene, sanajan resika ya tetep
21 | Akal Bulus