Page 14 - E-Modul Pendidikan Bahasa Bali SD

LAD polih input (ranjingan) marupa uncaran-uncaran, inggih punika
suara- suara uncaran saking pamaos anom (pamekas sane pinaka ibu) ngawit
saking embas anake alit inucap. Uncaran-uncaran puniki kaselehin,
katureksain, saha kapilihin antuk LAD. Pikolih utawi panadosannyane marupa
uger-uger tata basa sane kagenahang sajeroning unteknyane. LAD prasida
kagambarang sakadi mesin pemroses sane prasida ngolah input saha wenten
output (panadosane). Indike punika kagambarang sakadi ring sor:

Uger-uger tata basa ring bebaosane puniki katuju ring uger-uger sane
manut sajeroning anak alite punika. Uger-uger inucap sinah mabinayan ring
uger-uger tata basa sajeroning pamaos anom utawi duur. Anake alit punika
nenten surud-surud pacang “ngwangun” tata basanyane mangda prasida nyujur
tata basa panguntat sane kaaptiang, inggih punika tata basa sakadi pamaos
anom utawi duur. Yening wenten anak alit ngucapang “Jemakang aban-aban
tiange, baat sajan”, saha nenten maosang “Jemakin aban-aban tiange baat
sajan, anake sane sampun anom saha ngresep ring uger-uger basa Bali sinah
pacang ngamaosang “iwang” santukan nenten manut ring tata basa. Yening
sakadi pikayunan alit-alit punika, wangun –ang (ring kruna “jemakang”) punika

11