Page 12 - Artemis_ Nr.7 (Juni 2021)

Eardbea(r)n (Originalversion ©Franz GEISSLER)

Kamp zuicht da Muttadåch ins Laund,
suich’n d‘ Wiesa z’saumm eahna oid’s G’waund

und daunn siacht ma s‘ schau(n) in da Friah af d‘ Föda houcka,
weul daunn sein s‘ fåst ålli bam Bia broucka.

Dua(r)ch d‘ Ea(r)dbeea(r)‘n sein s‘ im gaunz’n Laund bekaunnt
und we:n deïsweïg’n ba ins ah „Buma Bia“ genaunnt.
Dass si ba eahna dou ållas um deïs siaßi Oubst draht, is koa(n) Wunda nid,

weul mit dera Qualität keïmmas wou aundascht gua(r) nid mid!
Dou is ‘s a kloa(r), dass da Leahra in da Schui,

vou(n) seini Kin(d)a valaungt, dass aniada ‘wås iwa Ea(r)beea(r)‘n schrei(b)‘m sui.
Oa(n) viea(r)dl Stund houd a eahna Zeid geï(b)‘m und daunn
houd a ‘s åh:g’saummüd und faungt zan Via(r)leïs’n au(n).

Am ea(r)scht nimmt a si da Susi iah(r)‘n Zeïdl hea(r)
und siacht d‘ Iwaschrift: „Wieasou hoaßt deï Frucht iwahaupst „Ea(r)dbeea(r)?“

Daunn leïst a laut: „Mit d‘ Ea(r)dbea(r)‘n vadiena mia insa Brot!
Goud sei Daung sein s‘ kloa(n) und rot,
weul waunn seï groß und weiß wäa(r)‘n,

daunn hoaßad’n s‘ woah(r)scheinlich „Eisbäa(r)‘n!“
Nau, da Leahra houd gaunz scheï(n) g’schluckt

und is daunn zan Franzi gaunga, dea(r) in da leïtzt’n Reih is g’huckt.
Af sein Zeïdl is g’staund’n: „Geïsta’n is za ins da Exekuta keïmma
und houd miass’n aus da Mama und ‘n Papa eahnan Zimma ‘s Beïtt midneïhmma!“

Da Leahra beidld in Sche(d)l und sågt daunn schnippisch:
„Franzi, houst wieda oamui nid aufpasst, deïs is fia(r) di typisch!“

Daweul d‘ aunda’n Kin(d)a ålli låcha
sågt da Franzi d’rauf: „Drahn s‘ in Zeïdl um, deïs gehd jå weida nåchha!“

Und wia(r)klich stehd ah hint ‘wås drauf:
„Af deïs auffi is da Mama und in Papa keïmma ‘s Reah(r)‘n,

weul seithea(r) kinna s‘ nia meah(r) af da-r-Ea(r) bea(r)‘n!“