Page 10 - Artemis_ Nr.7 (Juni 2021)

Dou woar a Bruck’npfeula - fia(r)‘n Chris woa(r) aniad Hülf z‘ späd!
Dou siacht ma wieda, wia schnöll dass deïs gehd!

Af da Stroß houd oisan da „Biker-King“ sei Leïbm valuan,
dabei woar a in beïstn Oita und wuitad nau sou vül duan!
Owa ‘s grauslichi Schicksoi is eahm bliebm nid daspord:
da leïtzti „Ausritt“ woar fiarn Chris deï Himmüfohrt.

Wia-r-a aunkeïmma is ba da großn Himmüsdiar
stölld a si glei ban Pedrus viar:
„Ih woaß zwoar nid, warum ih dou bin und wos ih dou dua,
owa mid meini 62 Joahr is deïs douch a weïngl z‘ fruah!“

Da Pedrus schaud eahm aun und sogt: „Mei lieawa Chris,
schau, du muisst di ofindn mid deïn, wia s is!
Glaubma deïs, mir duit s eh recht lad,
owa ih hon dou dein Leïbmsbuach parat:

drinn stehd, du bist schoun 86, zumindast nauch deï Stundn,
deïsd du in Lauf da Zeid varrechnd houst deinen Kundn!