Page 23 - ARTEMIS_Nr.9 (Weihnachten 2021)

Imma wor’n vül Leit benaund
und hob’m g‘scherzt und g‘locht!

Bei den reg’n Treib’m und Schoff’n
hot’s auf oamol guat
noch brotanen Äpf‘l g‘roch’n.
Die Großmutta hot auf ihr Famülie g‘schaut
und hint‘ im Eck zan Brotboch’n aufbaut.

Am nächst’n Morg’n, in olla Früh‘,
is da Toag knet’n wor’n,
mit recht vül Müh‘,
da Bochof’n g‘hoatzt und’s Brot boch’n,
mei Liaba,
hot des gaunzi Haus do herrlich g‘roch’n!

Da ersti Loab wor g’faung‘ und g‘fress’n -
Entschuldigung – natürli g‘ess’!
A wenig is boch’n wor’n für d‘Weihnochszeit
und jeda hot si auf die Feiatog scha gfreid!
So g’miadli‘ war’s do im Advent
weil koana eikauf’n is g‘rennt,
es wor koa Hektik und Gewirr,
wos kauf i Dir – wos kaufst Du mir!

Is da Heilige Obend kumma,
hot ma Weihnochtsliada g‘sunga,
und bet und mitanaunda g’red‘,
des Schenk’n wor do nit modern,
mia hob’m g‘wisst das ma zaumg‘hör’n!

Grod desholb
mocht ma heit in unsra Zeit,
des oane no die ollagrößti Freid,
wann die gaunzi Familie -
des is gwiss -
vasaum‘lt is – um einen Tisch!