Page 18 - ARTEMIS_Nr.9 (Weihnachten 2021)

Franz GEISSLER

Da einsaume Oide

S gaunzi Leïbm gruichld,
hiaz is a schoun oid,
ear muiss spoarn ban Hoazn,
in da Wouhnung is s koid.

Fiar d Frau und deï Kinda,
houd a friacha ois daun,
d Frau is schoun gstuarbm,
d Kinda sein auf und davoun.

s Leïbm laung feïst ghacklt,
si nix vagunnt und a nix daspoart,
dass a hiaz sou alloan is,
deïs trifft eahm recht hoart.

Ouhni Brülln kaunn a nix sehgn,
ouhni Kotznföll si neamma niedalegn,
ouhne Kneïpfl in Uahrwaschl kaunn a nix heahrn,
ouhne Träinen in d Augn kaunn a nid rearn.

Ouhni Stouckarl kaunn a nid duschn,
ouhni Zuaheara muiss a ollweul guschn,
ouhni Sauerstouff griagt a koa Luft,
ouhni Aunsprouch wiarkt sein Dahoam wia-r-a Gruft.

Ouhni Stützn kaunn a nid steïhn,
ouhni Rollator kaunn a neamma geïhn,
ouhni Zäind kaunn a nix beissn,
und ouhni Dulcolax kaunn a nid *****.

Ouhni Rohypnol kaunn a nid schlouffa,
ouhni Glaubm gibt s ah nix zan Houffa,
ouhni Morphium houd a ollweul niarSchmearzn,
ouhni Marcoumar kimmt koan Bluid meahr zan Hearzn.

Ouhni Appetit kaunn a nix eïssn,
ouhni Duarscht houd a af s Trinka vageïssn,
ouhni Zül wüll a neamma sein,
ouhni Trauagäist gråbm s eahm daunn ein.