Page 16 - ARTEMIS_Nr.9 (Weihnachten 2021)

Franz GEISSLER

A Weihnochtsgscheïnk fia d‘ Lieabsti (© Franz GEISSLER)

Da Hansi houd in Urlaub in da Steiamoark
oani keïnnag’lernd, deï woar echt stoark!
Scheïni Augn houd s‘ eahm gmocht ,
und ba eahm houd ’s Hearzarl g’locht.
Wia ‘r a nouch zwoa Woucha wieda dahoam woar,
is a mid iahr in Kontakt bliebm, is eh kloar!
Troutz da Eïntfernung sein s boid a Boar wuarn
und hobm si „ewiche Liebe“ g’schwuarn.
Za d‘ Weihnochtn, houd a si daunn deïnkt:
Zeid wuardats, dass a-r-iahr wos scheïnkt,
Owa wos? Nid aufdringlich, soundan kloan und dezeïnt,
und nid z‘ deia, weu sou laung houd a s‘ jo ah nau nid keïnnt.
A Boar Haundschui fiar sie waradn nid schlecht,
deï kaunn s‘ sicha braucha und kamadn iahr ah recht,
weul iahre Häind woarn eh ålliweu koid
waunn s‘ spoziern gaunga sein bam Woid.
Oisou is a in d‘ Neistodt zan C&A gfoahrn zan Gustiern
und houd sei Schweïsta midgnumma zan Prouwiern.
D‘ Vakeifarin duart woar seahr bemüht um iahri Kundn,
und boid houd a schoun, wås a gsuicht houd, gfundn:
zoarti, weißi Haundschui, gfiadad mid Pöüz, aus Leïda,
suichani sein hiaz moudern und houd sicha nid a jeïda.
Sei Schweïsta houd si kloani Untahousarln, sou String Tanga kafft,
deï ma bestimmt nid aunleïgt, waunn ma niar in d Håck’n lafft.
D‘ Vakeifarin houd zwoa gleichi Packarln gmocht
und olli zwoa midanaund za da Kassa brocht.
Leida houd si da Hansi ‘s foischi gnumma
und deïs houd eahm einbroucht an scheïn Kumma,
weul a houd ah-r-a Briafarl af „sei“ Gscheïnk pickt
und deïs ois ban Hoamfoahrn mid da Poust aus Neidearfü zu seina Freindin gschickt.
Deïn Begleitbrieaf keïnnts unt‘ leïsn -
koana woaß, wiea-r-iah(r) Reaktioun drauf is gweïsn!

Lieabsta Schotz!

Za d‘ Weihnochtn winsch ih da nia ‘s Beïsti, und deïs recht hearzlich,
und muiss da-r-ah sog’n, ih vamiss di schmearzlich.
Gfoit da mei Gscheïnk? Praktisch, göl, wos sogst d‘?
Ih honnäimlich, wia ma z’saumm woarn, gmiarkt, dass d‘ sou wos goar ned trogst.
A weïngarl kloan sein s‘ ma schoun viarkeïmma,