Page 19 - ARTEMIS_Nr.9 (Weihnachten 2021)

Franz Geissler

SiaßeUhudla (© Franz GEISSLER)

Waunn si da Summa laungsaum schleichd davoun
faungt in d‘ Wei(n)ad’n boid d‘ Leïszeid aun.

Und houd da Stouck ausreichend Kroft,
daunn liefat a-r-ah an guidn Reïbmsoft.
Genau deïs woaß unsa Pforra recht guid,

weul ois Seewinkla houd a in Weinbau direkt in Bluid.
Deïsweïgn siacht man eïftas außi in sein Goartngeïhn,

weul duart houd azwoa Reihaoidi Uhudlasteïck steïhn,
deï a heïgt und pfleïgt iwa ‘s gaunzi Joahr.

Dass a si af d siaßn Weimbarln gfreid houd, is daher kloar.
Aunfaung leïtztn Hiarbst woar s daunn sou weit,

zucha is keïmma d laung ersehnte Leïsezeit.
Owa wia-r-a houd s Broucka aunheïbm wuin,
houd a gmia(r)kt: olli Weimbarln hobm s eahm gstuin!
Af deïs auffi woar a natirlich recht schouckiert:

weul olleWeinsteïck woarn toutalogstiert!
Frechi Stadla woarn deïs owa nid,

weul souwos kriagad ma jo mid!
Af deïs auffi is eahm keïmma da Vadocht:

deïs hobmin Nochbarn seini Gfriesa gmocht!
S Joahrdrauf houd a schounpasst in sein Zimma
und si dabei deïnkt: deïs mochas ma owa heia nimma
und aus Sperrhuiz a grouß’s Schüdl g’mocht,

deïs a aufg’stöd houd iwa d Nocht!
Mid groußi, rodi Buchstobm woar drauf zan leïsn:
„Ih woaß, vuarichs Joahr sads eïs deïs gweïsn,
owa ih worn eich: da lieawi Goutt kriagt ollas mid!“

Und wos hobm d Buiwan drunta gschriebm?
„Jo, eh, owa er varroutuns nid!“