Page 22 - ARTEMIS_Nr.9 (Weihnachten 2021)
P. 22
Gisela Göstl
Kindheitserinnerung
Wann da Rauhreif glänzt in Wold und Flur,
im Wintaschlof liegt die Natur,
is des Johr scha fast zu End‘
bis auf’d stülli Zeit Advent.
Siach i jetzt vor Weihnocht’n
des rege Treib’m,
muass i die Erinnerung
meina Kindheit niedaschreib’m!
Wor die Orbeit auf’n Föld
a nun zu End‘,
gab’s im Haus no ztuan
für viele Händ!
Doch die Mühe va den Johr
die wor vorbei,
olls hot gschafft – bedächti,
froh und frei!
Den Großvata hot ma nur gfund’n
im Kammerl drausst,
do hot a Bes’n bund’n,
Roßzeug putzt und repariert,
oda seini Stiefl g‘schmiert.
Fuatta g‘richt für seini Pferd‘ -
weil de wor’n ihm recht vül wert!
Da Onk’l hot für’n Hausgebrauch
so recht und schlecht
für’s nächsti Johr e poor Körbl gflecht.
Weil ma va da Liesl, unsan Schof,
a biss‘l Woll‘ ham gwunna,
hob‘n d‘Muatta und die Mitzi Tant
am Obend a no gspunna!
Dann hot ma davon Sock’n g‘strickt,
die lieg’n bliebane Wäsch‘ g‘flickt,
Fedan g‘schliss’n auf d‘Nocht.
