Page 17 - ARTEMIS_Nr.9 (Weihnachten 2021)

owa d‘ Vakeifarin houd ’s vastaundn, miar meine Zweifün z‘ neïhmma,
indeïm s‘ a s‘ vuar miar aungleïgt houd und vuargfiahrd,
wia elegant dass s‘ sein und dass ma s‘ fost nid gspiard.
Seï sein sou woach und aungeneïhm af da Haut,
ah waunnst d‘ as umkreïmpülst, dass da Pöüz außischaud.
Ih häd jo lieawa deï laungan mit deï Kneïpf gnaumma,
owa mei Schweïsta houd gmoant, deï waradn nia-r-a Jaumma.
Sie söwa houd ah deï kloan au(n), waunn s‘ gehd aus ’n Haus.
Deï zuigt ma näimlich ba Bedoarf vü leichta aus!
Und waunns d‘ as oleïgst, vagiss nid, kuarz einiz’blosn,
weul s‘ ban Drogn feicht wearn keïnna, und deïs warad nix fiahoaglichii Nosn!
Daunn hon ih d‘ Vakeifarin nau gfrogt,
ob nid d‘ Foarb eïmpfindli‘ is, waunn ma s‘ vü drogt.
Draufhin houd s‘ ma iahri zoagt, deï s‘ schoun drei Woucha houd aun
und dass ma goar koan Dreïck drauf findn kaunn.
Prouwiear s‘ oanfoch söwa, nimm s‘ d‘ nächstn Woucha,
leïg s‘ niaro bam Schloufa, Duschn und ban Koucha,
und du wiarst sehgn, dass s‘ rein bleibm wearn
und dass koani Fingadoppa oda Fettfleïck stearn.
Schod, ih dadad s‘ da jo gearn aunzuig’n ‘s earschti Moi,
owa deïs gehd leida af goar koan Foi,
weul ih earscht in viear Woucha zu diar keïmma kaunn,
und dou wearn s‘ schoun vüli beriahrt hobm daunn.
Owa ih gfrei mi schoun, waunnst d‘ sou lieab warasd,
und seï niar fiar mi daunn trogn dadasd!

Frohe und gsunde Weihnocht’n und oan guidn Rutsch ins neichi Joahr!

In Liebe

Dei Hansi