Page 37 - Bahan Ajar Digital Cerita Rakyat

Sawise sawetara wektu lumaku, dumadakan keprungu swara gembrudug ing

samburine. Banjur dheweke noleh. Lha· kok ana banyu kang ngetutake lakune Raden Bagus

Kencana. Sabanjure Raden Bagus Kencana terus mlayu banter banget nganti tekan

Kademangan Catursari. Miline banyu kang ngetutake lakune Raden Bagus Kencana mau

banjur dadi kali kang ngliwati Kademangan Catursari. Kali kang anyar iki banjur diarani

kali Buthak, amarga rikala dumadine banyune buthek banget.

Kawula ing Kademangan Catursari bungah atine bareng Raden Bagus Kencana kasil

nggawa banyu menyang Kademangan Catursari. Kabeh padha suka parisuka, nganakake

andrawina. Ing satengahing andrawina iku Raden Bagus Kencana ngandhakake menawa ora

suwe maneh tanah Jawa bakal dadi segara amarga umbul ing Tlatar terus mbludak. Ben

aja nganti mbludak kudu di sumpeli nganggo gong kang digawe saka emas. Para kawula ing

Kademangan Catursari banjur urunan nglumpukake emas kanggo gawe gong. Telung dina,

gong kang digawed saka emas 33 kilogram wis rampung anggone nggawe Ian terus digawa

menyang umbul Tlatar. Gong kasebut banjur kasumpelake menyang umbul kang gedhe

dhewe. Shitik mbaka sethithik banyu kang muncrat iku saya cilik. Nganti seprene banyu

ing umbul Tlatar tetep mili ora tau asat.

36 | S M P K E L A S V I I