Page 50 - Safarova N., Safarov B. paxtachilikda agrokimyo o'quv qo'llanma

31-rasm. Kompost materiallari kvadrat shakldagi yog‘och yashiklarga

Qoldiqlarni tashlashda davom etiladi, har bir qatlamdan keyin 15 sm
qalinlikda go‘ng yoyib, biroz suv sepib borilsa yaxshi natija beradi. Bir necha
kundan keyin kompost uyumini ushlab ko‘rilsa, uning isiy boshlaganiga ishonch
hosil qilinadi.
Kompost uyumi yerdan taxminan 1,5 m ko‘tarilgach, 2 sm li tuproq qatlami
bilan yopiladi. Yomg‘ir va qor suvi kirmasligi uchun uyum ustini yaxshilab yopib
qo‘yiladi. 20 kundan keyin kompost uyumini ehtiyotkorlik bilan ag‘darib, bunda
hali chirib ulgurmagan organik moddalarning uyum o‘rtasida qolishiga ahamiyat
berish lozim.

Nazorat savollari:
1. Xo‘jalikda mahalliy o‘g‘itlarga bo‘lgan ehtiyoj qanday aniqlanadi.
2. Go‘ng va kompost tayyorlash rejasi qanday tuziladi.
3. Mahalliy o‘g‘itlarga o‘simliklarni talabini aniqlashning asoslari.

9-Mavzu: ORGANIK O’G’ITLARNI PAXTACHILIKDA QO’LLASH
Reja:
1.Organik o‘g‘itlarni dehqonchilikdagi ahamiyati.
2. Organik o‘g‘itlarni turlari va olinishi.
3. Organik o‘g‘itlarni qo‘llash muddati, miqdori va usullari

1. Organik o‘g‘itlarga go‘ng, torf, go‘ng shaltog‘i, parranda qiyi, najas, turli
xil kompostlar, biogumuslar va ko‘kat o‘g‘itlar kiradi. Organik o‘g‘itlar tarkibida
azot, fosfor, kaliy, kalsiy va g‘o‘zaning oziqlanishi uchun kerakli boshqa
moddalar, shuningdek, tuproqning xossalariga ijobiy ta’sir etadigan organik
moddalar bo‘ladi.