Page 45 - Safarova N., Safarov B. paxtachilikda agrokimyo o'quv qo'llanma

berishda, sug‘orishda xalaqit beradi. Shu sababli go‘ng bilan aralashtirib, organik
massa hosil qilinadi (25-rasm).

25-rasm. Xandaqqa 1:1 nisbatda go‘ng va g‘o‘zapoyani aralashtirib solish

Go‘ng-g‘o‘zapoyali noan’anaviy o‘g‘it tayyorlash uchun eni, bo‘yi 2,0-2,5
m, chuqurligi 0,5-0,7 m bo‘lgan xandaq kovlanadi. Xandaqqa 1:1 nisbatda go‘ng
va g‘o‘zapoya aralashtirilib solinadi. Xandaqning usti tuproq bilan ko‘miladi.
Ko‘mmaning ustidan issiq kunlari suv sepib turiladi. Ikki-uch oy ichida qoramtir
tusli, sochiluvchan organik massa, ya’ni noan’anaviy o‘g‘it tayyor bo‘ladi. Shu
asnoda tayyorlangan o‘g‘itni qo‘llash juda samarali va qulay xisoblanadi.
Go‘ng+somonli noan’anaviy o‘g‘it tayyorlash. Hozirgi kunda bug‘doy
o‘rilgandan so‘ng dalalarda ma’lum miqdorda somon qolib ketadi. Shudgor
vaqtida tuproq bilan yaxshi aralashib ketmasligi sababli, somon chala chirib,
tuproqda organik massa xosil bo‘lishida to‘liq ishtirok etmaydi. Bu chiqindilardan
oqilona foydalanish uchun dalaning o‘zida somonli o‘g‘it tayyorlash lozim.
Go‘ng+somonli o‘g‘it tayyorlash uchun eni va bo‘yi 2,0-2,5 m, chuqurligi 0,5-
0,7m bo‘lgan xandaq kovlanadi. Xandaqqa 1:1 nisbatda go‘ng va somon
aralashtirilib solinadi (26-rasm).

26-rasm. Xandaqqa 1:1 nisbatda go‘ng va somon aralashtirib solish