Page 47 - Safarova N., Safarov B. paxtachilikda agrokimyo o'quv qo'llanma

28-rasm. Handaqda 1:1 nisbatda go‘ng va kanalizatsiya
oqavasining qattiq qismidan noan’anaviy o‘g‘it tayyorlash.

Go‘ng+daraxt bargidan noan’anaviy o‘g‘it tayyorlash. Bizga ma’lumki,
kuzda to‘kilgan daraxt barglari tarkibida o‘simlik uchun zarur bo‘lgan oziq
moddalar mavjud. Go‘ng+daraxt bargidan o‘g‘it tayyorlash uchun eni va bo‘yi
2,0-2,5 m, chuqurligi 0,5-0,7m bo‘lgan xandaq kovlanadi. Xandaqqa 1:1 nisbatda
go‘ng va daraxt bargidan aralashtirilib solinadi (29-rasm).

29-rasm. Xandaqqa 1:1 nisbatda go‘ng va daraxt bargi aralashtirib solish

Xandaqning usti tuproq bilan ko‘miladi. Ko‘mmaning ustidan issiq kunlari
suv sepib turiladi. Uch oy ichida sochiluvchan organik massa, ya’ni noan’anaviy
o‘g‘it tayyor bo‘ladi. Shu asnoda tayyorlangan o‘g‘it tuproq bilan yaxshi
aralashadi. Bu massa qo‘llash uchun juda samarali va qulay hisoblanadi.
Go‘ng+go‘ng shaltog‘idan noan’anaviy o‘g‘it tayyorlash. Dehqonchilikda
go‘ng+go‘ng shaltog‘idan tayyorlanadigan organik o‘g‘itlardan xam keng
foydalaniladi. Go‘ng+go‘ng shaltog‘idan o‘g‘it tayyorlash uchun eni, bo‘yi 2,0-2,5
m, chuqurligi 0,5-0,7m bo‘lgan xandaq kovlanadi. Xandaqqa 1:1 nisbatda go‘ng va
go‘ng shaltog‘idan aralashtirilib solinadi (30-rasm).