Page 6 - Safarova N., Safarov B. paxtachilikda agrokimyo o'quv qo'llanma

Rivojlanishning qolgan davrlarida variantlarda belgilangan o’rtacha uch
takrorlikdagi qatorlardan: 150 ta o’simlik bir tekisda tanlanadi va diagonal boyicha
3 qatorni har biridan 50 tadan o’simlik namunasi olinadi. Har bir qatorning
boshidagi va ohiridagi o’simliklarga yorliqlar osib qoyiladi.

1-rasm. G’o’zaning gullash davri

Shonalash davrida taxminan 150 ta tanlangan o’simlik bosh poyasining boyi
o’lchanadi, simpodial shoxlar, shonalar soni sanaladi va o’simlik uchun o’rtacha
ko’rsatkich topiladi. Tahlil uchun 20 ta o’simlikning ildiz bo’g’zidan (sekator

bilan) kesib olinadi.

2-rasm. Tajriba maydoni

Gullash davrida ajratilgan 150 ta o’simlikning asosiy poyasi o’lchanadi,
gullari sanaladi. So’ngra bir o’simlik uchun o’rtacha ko’rsatkich topiladi va kamida
10 ta o’simlik kesib olinadi.
Ko’sak tugish davrida oldindan belgilangan o’simliklar asosiy poyasining
boyi o’lchanadi, hosil ko’saklari hisoblanadi. O’rtacha ko’rsatkichga qarab kamida
yana 10 ta o’simlik tanlanadi.
O’suv davrining oxirida ya’ni g’o’za yetilishi oldidan, har bir ajratilgan
maydondan kamida 10 tadan o’simlik olinadi va yorliqlar yopishtiriladi.
Birinchi terim oldidan tajribada belgilangan hamma o’simliklar tekshiriladi va
ularning paxtasi, tushgan barglari terib olinadi. Sovuq tushishi oldidan belgilangan
o’simliklar kesib olinadi.