Page 47 - Brochure_finale_170418_V1

Am Joer 2003 ass dunn awer iwwert eng nei Initiativ vum
deemolege Buergermeeschter Rob Roemen, dee vill gemaach huet
fir d'Musek finanziell iwwert Sponsoring duerch d'Leidelenger
Entreprisen ze ënnerstëtzen, de «Supporter Club vun der
Leidelenger Musek» gegrënnt ginn. Méi duerzou an engem
eegenen Artikel an dëser Broschür.

Haut steet d'Musek finanziell relativ gutt do, well iwwert déi
sëlleche Manifestatiounen déi organiséiert ginn, déi Concerte wou
gespillt ginn, iwwert d'Gemeng an ons trei Sponsoren de
Joresbudget ka gedeckt ginn. Dëst fir déi néideg Instrumenter fir eis
jonk Musikanten ze kafen oder ze leasen, an all néideg Ausgabe fir e
gudde Fonctionnement vun eiser Musek ze garantéieren.

Ernimme muss een déi immens Aarbecht déi iwwer Joren eis
Keessjeeë geleescht hunn. Hier Aufgab ass et d'Suen als «Bon père
de famille» ze verwalten an et sou ze erméiglechen datt de Veräi
senger Haaptaktivitéit, Musek spillen, nogoe kann.

Déi meescht vun hinnen hunn des Aktivitéit och iwwert laang Jore
gemaach a waren dem Veräin trei verbonnen. Aus der jëtzeger
Equipe kann een de Keessjee, den John Engler, ervir hiewen deen
dës Aarbecht mat deem néidege Geschéck schonns säit 1984
erleedegt.

Hu mer virdrun d'Instrumenter
ernimmt déi hu misse selwer
finanzéiert ginn, sou si mer elo bei
engem Proufsall ukomm. Déi
éischt Prouwe sinn am Café Biwer
ofgehale ginn, duerno dann an
der Meederchersschoul .

45