Page 44 - testmergebrochureV0704_2

Am Joer 2003 ass dunn awer iwwert eng nei Initiativ vum
deemolege Buergermeeschter Rob Roemen, dee vill gemach huet fir
d'Musek finanziel iwwert Sponsoring duerch d'Leidelenger
Entreprisen ze ënnerstëtzen, de «Supporter Club vun der
Leidelenger Musek» gegrënnt ginn. Méi duerzou an engem
eegenen Artikel an dëser Broschür.

Haut steet d'Musek finanziel relativ gutt do, well iwwert déi sellëche
Manifestatiounen déi organiséiert ginn, déi Concerte wou gespillt
ginn, iwwert d'Gemeng an ons trei Sponsore de Joresbudget ka
gedeckt ginn. Dëst fir déi néideg Instrumenter fir eis jonk Museker
ze kafen oder ze leasen an all néideg Ausgaben fir e gudde
Fonktionnement vun eiser Musek ze garantéieren.

Ernimme muss een déi immens Aarbecht déi wwert Joren eis
Keessieeën geleecht hun a leeschten. Hier Aufgab ass et d'Suen als
«Bon père de famille» ze verwalten an et sou ze erméglechen datt
de Veräin senger Haaptaktivität nogoen kann.

Déi meescht vun hinnen hun des Aktivität och iwwert laang Jore
gemaach a woren dem Veräin trei verbonnen. Aus der jëtzeger
Equipe sollt een awer och emol de Keessier, den John Engler, erfir
hiewen deen dess Aarbecht mat deem néidegen Geschéck schonns
säit 1984 erleedegt.

Hu mer virdrun d'Instrumenter
ernimmt déi hu misse selwer
finanzéiert ginn, sou si mer elo bei
engem Prouwesall ukomm. Déi éischt
Prouwe ginn am Café Biwer ofgehal an
duerno ginn d'Prouwen an
Meederchersschoul verluecht.