Page 140 - ХАМИДОВА ЗУЛФИЯ АХМАДЖОНОВНА - monografiya

ҳамда ривожланиш йўли ва даражасига қараб фарқлаш мумкин.
Турли мамлакатларда ҳунармандчилик сиёсатини ишлаб чиқишда

кўпинча сиёсатнинг асосий фазилатлари ва мақсадларига
йўналтирилган ўзгаришларни кўриш мумкин. Ҳунармандчилик
соҳасини давлат томонидан қўллаб-қувватлаш турли шаклларда
амалга оширилади.

5. Ҳунармандчиликни ривожлантиришни иқтисодий жиҳатдан
қўллаб-қувватлаш борасидаги хорижий давлатларнинг бой
тажрибасини таҳлил қилиш билан бирга мамлакатимиздаги ўзига хос

жиҳатларини солиштириш ва муносиб томонларидан самарали
фойдаланиш мақсадга мувофиқ бўлади.
6. Бугунги кунда ҳунармандчилик фаолиятини ривожлантириш-
га давлат сиёсати даражасида эътибор берилаётган бўлсада, асосан,

Ўзбекистон Республикаси Президентининг 2017-йилнинг 17-ноябрда
«Ҳунармандчиликни янада ривожлантириш ва ҳунармандларни ҳар
томонлама қўллаб-қувватлаш чора-тадбирлари тўғрисида»ги ПФ-

5242-сонли фармони ҳамда Ўзбекистон Республикаси
Президентининг 2019 йил 28 ноябрда «Ҳунармандчиликни янада
ривожлантириш ва ҳунармандларни қўллаб-қувватлаш бўйича

қўшимча чора-тадбирлар тўғрисида» ги ПҚ-4539-сонли қарори ва
бошқа қонун ости ҳужжатлари билан тартибга солинмоқда. Асосан
аҳоли бандлигини таъминлашнинг бир йўли сифатида қаралмоқда.

7. Ҳунармандчилик ҳолатини макроиқтисодий жиҳатдан
тизимли ва тўлиқ таҳлил қилишда фойдаланиладиган индикаторлар-
ни юритиш билан боғлиқ муаммолар хал қилинмаганлиги соҳа
доирасида тадқиқот олиб боришда тўсқинлик қилмоқда.

Ушбу хулосаларга асосланиб, диссертация ишида қуйидаги
илмий таклиф ва хулосалар ишлаб чиқилди:
1. Амир Темур даврига оид бирламчи ва иккиламчи

тадқиқотларни давр ва макон нуқтаи назаридан манбаларнинг
хусусиятига қараб таркибан гуруҳларга бўлиб таҳлил қилиш
мақсадга мувофиқ, чунки:
- биринчидан, ўтган йиллар давомида Амир Темур шахси ва

унинг фаолиятига қизиқишлар асосида ёзилган асарлар услуб ва
жанр жиҳатидан фарқланади;
- иккинчидан, хорижий давлатлардан фарқли ўлароқ,

Ўзбекистон Амир Темур ва Темурийлар давридан то бугунгача
тарихан турли хил зиддиятли босқичларни босиб ўтди;

134