Page 31 - Innovatsion iqtisodiyot

INNOVATSION IQTISODIYOT
Akram XASHIMOV
lanmalarning rivojlanishini rag‘batlantirish yo‘li bilan investitsion
risklarni maksimal darajada kamaytirish vazifasi turibdi.
Innovatsion infratuzilma rivojlanishining asosiy tamoyillari quyi-
dagilar hisoblanadi: milliy iqtisodiyot talablari va imkoniyatlariga
moslik; maksimal moslashuvchanlik, xalqaro iqtisodiyotda

raqobatdoshlik va transparentlik. Bunda milliy innovatsion tizimning
bir segmenti sifatida funksional to‘laqonli innovatsion infratuzilma
(texnoparklar, biznes-inkubatorlar, innovatsion-texnologik markaz-
lar, texnologiyalar transferi markazlari, venchur fondlari, intellektual
mulk birjalari, marketing markazlari, ilmiy-texnik rivojlanish
markazlari) yaratish zarur.
Texnik jihozlanishi va kadrlar tarkibi bo‘yicha raqobatdosh ilmiy-
texnik mahsulot va texnologiyalar ishlab chiqish va tijoratlashtirish,
ularni ichki va tashqi bozorlarda amalga oshirishni taʼminlay oluvchi,

innovatsion sohaning amaldagi va sifat jihatidan yangi subyektlarini
yaratish va qo‘llab-quvvatlash ko‘zda tutilishi zarur.
Korxonalarni innovatsion rivojlantirish chora-tadbirlarini amalga
oshirish quyidagilarga imkon beradi:
-yangi yoki takomillashtirilgan texnologiyalar, mahsulotlar, as-
bob-uskunalar, materiallar va h.k. joriy qilish hisobiga mahsulot (to-
var, xizmat) ishlab chiqarishning o‘sishini taʼminlash;

-innovatsion mahsulot hajmi ulushini innovatsion faol korxonalar
mahsulotlari umumiy hajmining 20 foiz igacha yetkazish, yaʼni Yev-
ropa ko‘rsatkichlariga yaqinlashish;
-fan-texnika va ishlab chiqarish sohalarida qo‘shimcha ish o‘rin-
lari yaratish;
- Ilmiy tadqiqotlar va tajriba-konstruktorlik ishlanmalari (ITTKI)
va innovatsion loyihalarni moliyalashtirishning yangi sxemalarini
joriy qilish hisobiga innovatsion sohaga qo‘shimcha resurslar jalb
qilish;

-zaruriy innovatsion infratuzilma (texnoparklar, innovatsion-tex-
nologik markazlar, kichik innovatsion-texnologik korxonalar va b.),
innovatsion faoliyat subyektlarini iqtisodiy qo‘llab-quvvatlash me-
xanizmlari yaratish va rivojlantirish;

30