Page 335 - Innovatsion iqtisodiyot

INNOVATSION IQTISODIYOT
Akram XASHIMOV
Yangiliklarga to‘sqinlik qiluvchi yana bir qator omillarni keltirib
o‘tishimiz mumkin:
• quyi bo‘g‘inlarda faoliyat ko‘rsatuvchi xodimlar tomonidan ilgari
surilgan g‘oyalarga rahbarlarning ishonchsizlik bilan qarashi;
• yangi g‘oyalarni amalga oshirishda jarayonning haddan tashqari

murakkablashtirib yuborilganligi;
• innovatsion takliflarni baholashda boshqa bo‘limlarning arala-
shuvi;
• yo‘l qo‘yilgan xatolar tufayli keskin tanqid qilish va ishdan
bo‘shatish tahdidi;
• innovatorning har bir qadamini nazorat qilish;
• innovatsion takliflar bo‘yicha yashirincha qarorlar qabul qilish;
• quyi bo‘g‘in rahbarlariga tahdidli ko‘rsatmalar berish;
• yuqori bo‘g‘in rahbarlarida “hamma narsani biladigan mutaxassis

sindromi” ning paydo bo‘lishi.
Xodimlarning qarshilik darajasini pasaytirish uchun tashkilot
ichida sodir bo‘layotgan o‘zgarishlar borasida alohida moslashuvchan
madaniyatni yaratish talab etiladi. Ushbu madaniyatning o‘ziga xos
xususiyati innovatsion tashkilotlarga xos bo‘lgan xodimlarning
innovatsiyalarga doimiy eʼtibor qaratishida ko‘zga tashlanadi.
Tashkilotlarda innovatsion faoliyatni kuchaytirish va o‘z

xodimlarining zarur o‘zgarishlarga qarshiligini yengish borasida turli
xil rag‘batlantiruvchi choralar qo‘llaniladi:
• tashkilotlar rahbariyatining eʼtiborini innovatorlarning taklifla-
riga qaratish;
• taklif, ixtiro va ishlanmalarning mualliflarini moddiy va maʼnaviy
rag‘batlantirish;
• yangiliklarni yaratishda zarur shart-sharoitlar, shu jumladan
harakat erkinligini taʼminlash;
• kompaniya ichida ham, tashqarisida ham hamkasblar bilan

samarali muloqotni yo‘lga qo‘yish;
• innovatorlar va ishlab chiquvchilarning tashkilot rivojiga qo‘sh-
gan hissalarini tan olish;
• mansab bo‘yicha o‘sish va hokazo.

334