Page 333 - Innovatsion iqtisodiyot

INNOVATSION IQTISODIYOT
Akram XASHIMOV
Ishlab chiqarishning subyektiv omili sifatida maydonga chiquvchi
mehnat resurslari o‘zida insonning jismoniy va aqliy qobiliyatlari,
uning mehnat qobiliyatlari majmuini ifoda etadi.
Mehnat resurslarining sifati:
• mehnatning ishlab chiqarish kuchida namoyon bo‘ladi va xo-

dimni o‘qitish va uni xodim sifatida shakllantirish uchun sarflangan
vaqt bilan belgilanadi;
• umumiy taʼlim, kasbiy bilim va ko‘nikmalar darajasi, mutaxassislik
bo‘yicha ishlash muddati va shartlarini aks ettiradi;
• xodimning madaniyati va intellektual salohiyati, qadriyatlar
tizimi, axloqiy-maʼnaviy fazilatlar, fuqarolik faolligi va shu kabi
shakllangan ijtimoiy jihatlar bilan o‘lchanadi.
Yuqoridagi keltirib o‘tilgan shaxsiy fazilatlar har qanday faoliyat
turida, shu jumladan kasbiy bilim va ko‘nikmalarni o‘zlashtirish

jarayonida ham namoyon bo‘ladi.
Personalni boshqarish jarayonida mutaxassis va rahbar xodimlar-
ning quyidagi sifat jihatlarini baholash va ulardan foydalanishga
katta ahamiyat beriladi:
• ijodkorlikka bo‘lgan ehtiyoj layoqat;
• tadbirkorlik;
• jamoada ishlash qobiliyati;

• potensial rivojlanish imkoniyatlari;
• maʼnaviy-axloqiy jihatdan yetuklik va boshqalar.
Hozirgi vaqtda innovatsiyalarni yaratish bilan bog‘liq hodisa va
jarayonlarni “ixtiro va kashfiyotchilik industriyasi” sifatida baho-
lashimiz mumkin. Zero, har bir yangilik o‘ziga xos va mutlaq
individual ijodiy jarayonning natijasini ifoda etsa ham.
“Ixtiro va kashfiyotchilik industriyasi” ning rivojlanishi katta
insoniy va moddiy resurslarni talab qiladi. Yangi mahsulotni yaratish
va sotish uchun tashkilot doirasida ilmiy, dizayn, texnologik,

marketing va shu kabi bo‘linmalarning mavjud bo‘lishi talab etiladi.
Zamonaviy bozorning yangi mahsulotlarning sifati va taqdimoti
borasida talablari juda yuqori bo‘lib, uning muvaffaqiyati turli xil
bilimlardan foydalanish bilan taʼminlanadi. Shu sababli ham yangi

332