Page 328 - Innovatsion iqtisodiyot

INNOVATSION IQTISODIYOT
Akram XASHIMOV
to‘liq bilish va tushunishni anglatadi. Masalan, Hindistonda anʼanalar
biznes yuritishga singib ketgan va madaniyat to‘liq tushunilmaganda,
ikki tomonlama munosabatlarga taʼsir ko‘rsatishi mumkin. Shunday
ekan, taklif etilayotgan bo‘lim funksiyalaridan biri korxona xo-
dimlariga sherik-mamlakatlar vakillarining madaniyati va fikr

yuritish tarzini tanishtirish bo‘lishi kerak.
Miyaga rivojlanish zarurligini unutmaylik. Agar uni yangi bilimlar
bilan oziqlantirmasak, u kuchdan qola boshlaydi. Bu esa kompaniyaga
ham, xodimlarning o‘ziga ham zarardir.

2. “Research and Development” sohasida yetakchi
xorijiy universitetlar bilan aloqalarni o‘rnatish.
Innovatsion mahsulot ishlab chiqarishda kompaniya faqat o‘z ichki
tadqiqotlariga tayana olmaydi. Yevropa va AQSh universitetlari keng

ko‘lamda izlanishlar olib boradilar va ilm-fan hamda texnologiyalar
sohasidagi so‘nggi yutuqlardan foydalanadilar. Bu universitetlar
tadqiqotchi-olimlari va hatto talabalari ham mahsulot sifatini
takomillashtirish tajribasi, shuningdek, muammolarni hal etishning
yangi ilmiy yondashuvlari bilan o‘rtoqlashishlari mumkin. Yaqqol
misol – “Hyperloop One” kompaniyasi. Yuqori tezlikdagi poyezd
kapsulasi talabalar tomonidan yaratilgan.

3. Menejment va mutaxassislar o‘rtasidagi lavozimlar
masofasini qisqartirish.
Muloqot – g‘oyalar ishlab chiqishning bosh belgisidir. Fikrimcha,
kompaniyalar menejerlari personal bilan ochiq muloqot muhitini
yaratishlari kerak. Axir hozirda mavjud “boshliq-xizmatchi”
konsepsiyasi faqat bir tomon g‘oyalar berishi, boshqa tomon
ularni baja rishini qo‘llab-quvvatlaydi. Ochiq dialog esa, boshqaruv
personaliga muammoga turli tomonlardan nazar solish va mulohazali

qarorlar qabul qilish imkonini beradi. Bunday boshqaruvga “SpaceX”
misol bo‘la oladi. Hammaga mashhur CEO Ilon Maskni qo‘lida
tornavida bilan, muhandislar ko‘magida yangi raketa detallarini
yig‘ish ustida uchratish mumkin.

327