Page 432 - Innovatsion iqtisodiyot

INNOVATSION IQTISODIYOT
Akram XASHIMOV
qarzlarini hisobga olish va mijozlarga muntazam ravishda hisobot
berish, to‘lovlarning o‘z vaqtida bajarilishini nazorat qilish va qarz-
dor bilan hamkorlik qilish kabilarda foydalanishi mumkin.
Shuningdek, innovatsion faoliyatni moliyalashtirishda
kompaniyalar o‘zini-o‘zi moliyalashtirish usulidan ham keng

foydalanadilar, bunda kompaniya muayyan bir innovatsion loyihani
moliyalashtirish maqsadida o‘z foydasining muayyan bir qismini
jamg‘arib boradi.
Shuni taʼkidlash kerakki, moliyalashtirish manbalari doirasining
kengayishi innovatsion faoliyatning rivojlanishiga katta turtki beradi.
Innovatsiyalarning izchil joriy etilishi mamlakat YIMning o‘sishiga,
aholi turmush sifatining yaxshilanishiga xizmat qiladi.

AMALIY TOPSHIRIQLAR

Nazorat uchun savollar
1. Innovatsion kompaniyaning hayotiylik sikli bosqichlarini ko‘rsatib
bering va hayotiylik siklining har bir bosqichda innovatsion faoliyatni
moliyalashtirishning maqbul bo‘lgan manbalarini aytib bering.
2. Innovatsion faoliyatni biznes-farishtalar yordamida moliyalashtirish
va venchurli moliyalashtirishning umumiy va bir-biridan farqlovchi

jihatlarini sanab o‘ting.
3. Kompaniyaning moliyaviy resurslari tarkibida venchurli
moliyalashtirishning o‘rnini tavsiflab bering.
4. O‘zbekistonda venchur biznesini rivojlantirishga to‘sqinlik
qilayotgan asosiy sabablar nimalardan iborat?
5. Venchurli moliyalashtirishning rivojlangan mamlakatlar tajribasi
va ularning bir-biridan farqlovchi jihatlari haqida gapirib bering.

1-topshiriq.

Tadqiqot va ishlanmalarga eng ko‘p mablag‘ sarflaydigan mamlakatlar
orasida: Isroil (5,56%); Janubiy Koreya (4,93%); Belgiya (3,46%); AQSh
(3,46%); Shvetsiya (3,42%) alohida o‘rin tutadi. Mamlakatimizda bu
boradagi vaziyatni tahlil qiling va xulosalar yasang.

431