Page 427 - Innovatsion iqtisodiyot

INNOVATSION IQTISODIYOT
Akram XASHIMOV
investorlarga imtiyozli aksiyalar berishdan uncha ham farq qilmaydi
va bir qator holatlarda (masalan, kapitalning tarqoqlanishi xavfining
yuzaga kelishi sharoitida soliqni optimallashtirish) ikkala tomon
uchun ham manfaatli hisoblanadi. Odatda, barcha investitsiyalar
ham qarz shaklida taqdim etilavermaydi, faqat ularning maʼlum bir

qismigina qarz shaklida taqdim etilishi mumkin, xolos. Ko‘pincha
bunday qarz konvertatsiya qilinishi va kompaniyaning aksiyalariga
aylantirilishi mumkin. Bu investorning kompaniyadagi “haqiqiy”
ulushi u kompaniyaga taqdim etgan kreditidan (foizlarini hisobga
olgan holda) sezilarli darajada ortiq bo‘lganda yuz beradi. Kompaniya
muvaffaqiyatsizlikka uchragan taqdirda, sarmoyadorlar “investitsiya”
yondashuviga rioya qilganliklari sababli, kredit va foizlar ko‘p hollarda
hisobdan chiqariladi va talab qilinmaydi.

Mavzu bo‘yicha qisqacha xulosalar

Iqtisodiy globallashuv davrida mamlakat iqtisodiy rivojlanishi
borasidagi qarashlar sezilarli o‘zgarishlarga duch keldi. Bugungi
kunda mamlakatlarning iqtisodiy taraqqiyotini taʼminlashda yuqori
texnologiyalar muhim o‘rin tutadi. Yuqori texnologiyalarga asoslangan
soha va tarmoqlarni vujudga keltirish va yangi yuqori texnologiyali
mahsulotlar ishlab chiqarish aksariyat rivojlangan mamlakatlarda

barqaror iqtisodiy o‘sishning asosiy omillari hisoblanadi.
Yangi mahsulot yoki xizmatni yaratish jarayoni ko‘p resurs va
vaqt talab qiluvchi uzoq jarayondir. Ushbu jarayonning eng muhim
bosqichi mahsulot yoki xizmatni bozorga kiritish hisoblanadi. Buni
iloji boricha tezroq amalga oshirish va kamroq sarflash uchun har bir
tadbirkor o‘z loyihasini bozorga qanday qilib to‘g‘ri olib chiqish va
unga moliyalashtirishni jalb qilishni bilmog‘i lozim.
Zamonaviy dunyoda innovatsiyalarni moliyalashtirish muammosi
dunyoning ko‘plab mamlakatlari uchun eng dolzarb hisoblanadi,

chunki innovatsiyalarni yaratish va joriy qilish ijtimoiy-iqtisodiy ri-
voj lanishning hal qiluvchi omili va iqtisodiy xavfsizlik kafolati hi-
soblanadi.
Innovatsion faoliyatni moliyalashtirish yangi mahsulotlarni

426