Page 538 - Innovatsion iqtisodiyot

INNOVATSION IQTISODIYOT
Akram XASHIMOV
“Nokia 1100” telefonlari sotiladi. U bir vaqtning o‘zida barcha davrning
eng ko‘p sotilgan telefoni va eng ko‘p sotilgan elektron qurilmasi edi.
Ammo ilk smartfonlar paydo bo‘la boshlagach barchasi o‘zgaradi:
“Apple” va “Samsung” kompaniyalari tez orada Finlandiya kompaniyasi-
ning bir necha yillik yetakchiligini egallab olishadi.

2013-yilda “Microsoft” “Nokia”ning mobil telefonlar bo‘limi va ular bilan
bog‘liq barcha patentlarni sotib oladi. Vaqt o‘tishi bilan kompaniya o‘z
smartfonlari uchun “Nokia” brendidan foydalanishni to‘xtata boshladi.
Kompaniyaning birinchi logotipi 1866-yilda paydo bo‘lgan bo‘lib, unda
baliq tasvirlangan. XX asrning 20-yillarida logotipni yanada mazmunli
va zamonaviy ko‘rinishga o‘zgartirishga qaror qilinadi. Yangi logotip
qora doiraga o‘xshardi, uning o‘rtasida kompaniya nomi yozilgan.
XX asrning 60−90-yillarda kompaniya logotipi ikki marotaba
yangilandi. 1992-yilda “Odamlarni bog‘lash” (Connecting People) shiori

kiritilganidan so‘ng, logotip biroz o‘zgartirildi. 2000-yillarda logotipda
bir-biriga cho‘zilgan qo‘llar paydo bo‘ldi.
Shuningdek, 2006-yilda “Nokia” logotipi turi va rangi biroz
o‘zgartirildi, 2011-yilda bo‘lib o‘tgan so‘nggi modifikatsiyada esa shior
olib tashlangan.
2023-yilda logotip qayta ishlab chiqilib, kompaniyaning zamonaviy va
progressiv qiyofasini o‘zida gavdalantirdi. Yangi konsepsiya “N”, “K” va “A”

harflarining baʼzi shtrixlari mavjud bo‘lmagan ko‘k rangdagi bosh harflarga
asoslangan. Faqat “O” va “I” harflarining konturlari to‘liq keltirilgan.
Kompaniyaning patent portfeli taxminan 20 mingta patentdan
iborat bo‘lib, ulardan 3500 dan ortig‘i 5G texnologiyasi uchun muhim
ekanligi aniqlangan. Ushbu ko‘rsatkich bo‘yicha kompaniya Yevropada
yetakchi hisoblanadi. “Nokia” mahsulotlari dunyoning 150 dan ortiq
mamlakatlarida sotiladi.
Brendning 2022-yilgi sof foydasi 4,478 mlrd dollarni tashkil etgan.
2023-yilning 30-sentabrigacha yakunlangan o‘n ikki oylik sof daromadi

4,09 mlrd dollarni tashkil etdi.
2022-yilning avgust oyida kompaniya Rossiya bozorini tark etishi
maʼlum bo‘ldi. Yil oxirigacha mamlakatdagi biznesining katta qismini
tugatishni rejalashtirgandi.

537